நினைத்தாலே முக்தி தரும் திருத்தலமாகவும், பஞ்ச பூத ஸ்தலங்களில் அக்னி ஸ்தலமாகவும், ஞானத்த போதனர்களை வாவென்று அழைக்கும் மலையாகவும் விளங்குவது திருவண்ணாமலையில் உள்ள அருணாசலேசுவரர் கோயில். இந்த கோயிலின் கிரிவலப் பாதையில் அமைந்துள்ளது, திருநேர் அண்ணாமலையார் கோயில்.
திருவண்ணாமலை கிரிவலப் பாதையில் உள்ள பழைமையான திருநோ் அண்ணாமலையாா் கோயிலில் உள்ள மூலவரை ஆண்டுதோறும் தமிழ்ப் புத்தாண்டு தினத்தில் சூரிய பகவான் வழிபடும் அபூா்வ நிகழ்வு நடைபெற்று வருகிறது.
அதன்படி, விசுவாசுவ தமிழ்ப் புத்தாண்டு தினமான இன்று இந்த அபூா்வ நிகழ்வு நடைபெற்றது. இதையொட்டி, இன்று அதிகாலை 4 மணிக்கு கோயில் நடை திறக்கப்பட்டு மூலவா் அண்ணாமலையாருக்கு சிறப்பு அபிஷேக-ஆராதனைகள் நடைபெற்று, சிறப்பு மலர் அலங்காரமும் செய்யப்பட்டு மகா தீபாராதனை காட்டப்பட்டது.
காலை சரியாக 7 மணிக்கு கோயிலுக்கு எதிரே உள்ள மகா தீபம் ஏற்றப்படும் 2,668 அடி உயர மலை உச்சியில் இருந்து ஸ்ரீதிருநோ் அண்ணாமலையாா் கோயில் மூலவா் மீது சூரிய ஒளி பிரகாசித்தது. இதையடுத்து சிவாச்சாரியார்கள் வேத மந்திரங்களும் முழங்க மகா தீபாரதனை நடைபெற்றது. இந்த அற்புத நிகழ்வுக்காக ஆயிரக்கணக்கான பக்தர்கள் கிரிவலப் பாதையில் குவிந்தனர்.
தமிழ் புத்தாண்டு பிறப்பை முன்னிட்டு நேற்று நள்ளிரவில் இருந்து இன்று காலை வரை பக்தர்கள் பலர் மலையை சுற்றி கிரிவலம் சென்றனர்.
அண்ணாமலையார் கோயிலில் வார விடுமுறை நாட்களில் பக்தர்கள் கூட்டம் அதிகம் இருக்கும். இந்நிலையில், தமிழ் வருட பிறப்பை முன்னிட்டு அதிகாலை முதலே பக்தர்கள் கூட்டம் அலைமோதியது. காலை கோயில் நடை திறக்கப்பட்டு மூலவர் மற்றும் உண்ணாமுலை அம்மனுக்குச் சிறப்பு அபிஷேகம், மகா தீபாராதனை நடைபெற்றது. தமிழ் புத்தாண்டைமுன்னிட்டு மூலவருக்கும், சம்பந்த விநாயகருக்கும் தங்க கவச அலங்காரம் செய்யப்பட்டு சிறப்பு பூஜை நடந்தது.
தொடர்ந்து, பக்தர்கள் சுவாமி தரிசனம் செய்ய அனுமதிக்கப்பட்டனர். ராஜகோபுரம், அம்மணி அம்மன் கோபுரம் , வட, தென் ஒத்தவாடை தெரு என சுமார் ஒரு கி.மீ. தொலைவுக்கு பக்தர்கள் நீண்ட வரிசையில் காத்திருந்தனர்.
