மாவட்ட வேலைவாய்ப்பு அலுவலகங்களில் இயங்கி வரும் தன்னார்வ பயிலும் வட்டங்கள் மூலம் பல்வேறு போட்டித் தேர்வுகளுக்கான பயிற்சி வகுப்புகள் நடத்தப்பட்டு வருகின்றன. டி.என்.பி.எஸ்.சி. டி.என். யூ.எஸ்.ஆர்.பி. எஸ்.எஸ்.சி. ஆர்.ஆர்.பி.இ ஐ.பி.பி.எஸ். டி.ஆர்.பி. போன்ற தேர்வு முகமைகளால் நடத்தப்படும் போட்டித் தேர்வுகளுக்கான இலவச பயிற்சி வகுப்புகளும் இங்கு நடத்தப்படுகின்றன.
இப்பயிற்சி வகுப்புகள் மூலம் ஆண்டுதோறும் 10000 ற்கும் அதிகமானோர் பயிற்சி பெறுகின்றனர். இந்தப் பயிற்சி வகுப்புகள் நடத்தும் பயிற்றுநர்களுக்கு மதிப்பூதியமாக ஒரு மணி நேரத்திற்கு ரூ.800 வீதம் வழங்கப்படுகிறது. ஒவ்வொரு வகுப்புக்கும் பிபிடி, மதிப்பீட்டு வினாக்கள், மாதிரித் தேர்வு வினாக்கள் தயார் செய்து தரவேண்டும்.
அவ்வகையில் தேர்வு குழுவால் நேர்காணல் நடத்தி பாடவாரியாக தேர்ந்தெடுக்கப்பட்ட ஆசிரிய பயிற்றுநர்களால் சிறப்பாக வகுப்புகள் நடத்தப்பட்டு வருகிறது. தற்போது இந்தியப் பொருளாதாரம். இந்திய வரலாறு. இந்திய ஆட்சியியல். மற்றும் தமிழ்நாட்டின் வரலாறு மற்றும் பண்பாடு, மரபு மற்றும் சமூக அரசியல் இயக்கங்கள் ஆகிய பாடப்பிரிவுகளுக்கு பயிற்றுநர்கள் தேர்ந்தெடுக்கப்படவுள்ளதால் விருப்பமுள்ள பயிற்றுநர்கள் என்ற கூகுள் இணைப்பில் விண்ணப்பத்தை நிறைவு செய்து மே 26-க்குள் விண்ணப்பிக்கலாம்.
போட்டித் தேர்வுகளுக்கான பயிற்சி வகுப்புகள் நடத்தி முன் அனுபவம் பெற்றவர்கள், முன்னாள் மாணவர்கள், போட்டித் தேர்வில் வெற்றி பெற்றவர்கள், தமிழ், ஆங்கில வழிகளில் வகுப்புகள் நடத்துவதற்குத் தகுதி பெற்றவர்கள் விண்ணப்பிக்கலாம் . நேர்காணலுக்கு அழைக்கும்போது தயார்செய்த பாடக் குறிப்புகள், மாதிரி வினாக்கள் தொடர்புடைய பாடத்தின் பிபிடி ஆகியவற்றை எடுத்து வர வேண்டும்.
10 முதல் 15 நிமிடங்கள் வரை தொடர்புடைய பாடத்தில் ஏதேனும் ஒரு தலைப்பில் மாதிரி வகுப்பு நடத்தப்பட வேண்டும். விருப்பமும், தகுதியும் உள்ள பயிற்றுநர்கள் பாஸ்போர்ட் அளவு புகைப்படம். தற்குறிப்பு, அனைத்துக் கல்வி சான்றிதழ்களுடன் திருவண்ணாமலை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை அணுகலாம்.
மேலும் கூடுதல் விவரங்களுக்கு 04175-233381 என்ற தொலைபேசி எண்ணில் தொடர்பு கொள்ளலாம் என திருவண்ணாமலை மாவட்ட ஆட்சித் தலைவர் தர்ப்பகராஜ் தெரிவித்துள்ளார்.
