மதுரையில் ஜூன் 22ம் தேதி பாஜக சார்பில் நடைபெறும் முருக பக்தர்கள் மாநாட்டிற்கான அழைப்பிதழ் வழங்கும் நிகழ்ச்சி திருவண்ணாமலையில் பாஜக சார்பில் நடைபெற்றது.
மதுரையில் ஜூன் 22ம் தேதி பாஜக சார்பில் முருக பக்தர்கள் மாநாடு நடைபெற உள்ளது. இந்த மாநாட்டை பிரம்மாண்டமான முறையில் நடத்த இந்து முன்னணி, பாஜக முடிவு செய்துள்ளன.
மாநாட்டில் பங்கேற்க உத்திர பிரதேச முதல்வர் யோகி ஆதித்யநாத், ஆந்திர துணை முதல்வர் பவன் கல்யாண், அதிமுக பொதுச் செயலாளர் எடப்பாடி பழனிசாமி, பாமக தலைவர் அன்புமணி, நாம் தமிழர் கட்சியின் தலைமை ஒருங்கிணைப்பாளர் சீமான் உள்ளிட்ட தலைவர்களுக்கு அழைப்பு விடுக்கப்பட்டுள்ளது.
இந்நிலையில், திருவண்ணாமலை தெற்கு மாவட்ட பாஜக சாா்பில், திருவண்ணாமலை வ.உ.சி. நகா், 25வது வாா்டு பகுதியில் நடைபெற்ற நிகழ்ச்சிக்கு, நகரத் தலைவா் சந்தோஷ் பரமசிவம் தலைமை வகித்தாா். மாவட்ட பொதுச் செயலா் கவிதா பிரதீஷ், மாவட்டப் பொருளாளா் எஸ்.பி.கே.சுப்பிரமணியன், தகவல் தொழில்நுட்பப் பிரிவு மாநிலச் செயலா் பிரதீஷ்குமாா் ஆகியோா் முன்னிலை வகித்தனா்.
நகர துணைத் தலைவா் இளங்கோ வரவேற்றாா். திருவண்ணாமலை தெற்கு மாவட்ட பாஜக தலைவா் ரமேஷ் சிறப்பு அழைப்பாளராகக் கலந்துகொண்டு பொதுமக்கள், பக்தா்கள், வணிகா்களிடம் முருக பக்தா்கள் மாநாட்டுக்கான அழைப்பிதழ்கள், துண்டுப் பிரசுரங்களை வழங்கினாா்.
நிகழ்ச்சியில், நகரச் செயலா்கள் எம்.வெங்கடேசன், பி.முத்துக்குமாா், நகர பொதுச் செயலா் ஆா்.காளியப்பன், துரிஞ்சாபுரம் ஒன்றிய பொதுச் செயலா் ஆா்.ராஜ்குமாா், ஒன்றிய துணைத் தலைவா் வி.ஏழுமலை உள்ளிட்டோா் கலந்துகொண்டனா்.
செங்கம்
செங்கம் தொகுதிக்குள்பட்ட 65-வது வாக்குச் சாவடி குழு சாா்பில், செங்கத்தில் பாஜக மாவட்ட துணைத் தலைவா் செங்கம் சேகா் தலைமையில், மகளிரணி நிா்வாகிகள் செங்கம் மேல்பாளையம், ஜீவானந்தம் தெரு பகுதியில் வீடுதோறும் பூ, பழம் அடங்கிய சீா்வரிசை தட்டுடன் சென்று மதுரை முருக பக்தா்கள் மாநாட்டுக்கான அழைப்பிதழை வழங்கினா்.
நிகழ்ச்சியில் செங்கம் நகரத் தலைவா் காா்த்திகேயன், நகர நிா்வாகி பிரேம்குமாா், கிளைத் தலைவா்கள் அருண்பாலாஜி, சீனு உள்ளிட்டோா் கலந்துகொண்டனா்.
