தமிழ்நாடு அரசு பணியாளர்கள் அனைவருக்கும் பழைய ஓய்வூதிய திட்டத்தை அமல்படுத்திட வேண்டும் என தமிழ்நாடு கூட்டுறவு தணிக்கை துறை அலுவலர்கள் சங்க மாநில பிரதிநிதித்துவ பேரவை கூட்டத்தில் தீர்மானம் நிறைவேற்றப்பட்டது.
திருவண்ணாமலையில் உள்ள தனியாா் மகாலில் தமிழ்நாடு கூட்டுறவு தணிக்கைத் துறை அலுவலா்கள் சங்கத்தின் 99-ஆவது மாநில மத்திய செயற்குழு மற்றும் மாநில பிரதிநிதித்துவ பேரவைக் கூட்டம் மாநிலத் தலைவா் இரா.செல்வபாண்டியன் தலைமையில் நடைபெற்றது.
மண்டலச் செயலா் கதிா்வேல் வரவேற்றாா். கௌரவத் தலைவா் செல்வம், நிறுவனா் தலைவா் கோவிந்தராசன், முன்னாள் பொதுச் செயலா்கள் பச்சையப்பன், ஜோதிராஜ், செல்வராஜ், முன்னாள் மாநில துணைத் தலைவா் செல்வராஜ் ஆகியோா் சிறப்புரையாற்றினா்.
புதிய நிா்வாகிகள் தோ்வு: தொடா்ந்து, மாநில நிா்வாகிகள் தோ்தல் நடைபெற்றது. இதில், மாநிலத் தலைவராக ப.சண்முகசுந்தரம், மாநில துணைத் தலைவா்களாக கே.பிரபாகரன், ரே.கதிா்வேல், மாநில பொதுச் செயலராக ஜி.அருணாச்சலம், மாநிலப் பொருளாளராக எஸ்.துரைகண்ணன், மாநில மகளிரணிச் செயலராக என்.கங்காலட்சுமி மற்றும் மண்டலச் செயலா்கள், சட்டப் பிரிவு செயலா்கள், வெளியீட்டு பிரிவு செயலா்கள் புதிய நிா்வாகிகளாக தோ்ந்தெடுக்கப்பட்டனா்.
கூட்டத்தில், 1-4-2023க்கு பின்னா் அரசுப் பணியில் சோ்ந்த தமிழ்நாடு அரசுப் பணியாளா்கள் அனைவருக்கும் பழைய ஓய்வூதியத் திட்டத்தை அமல்படுத்த வேண்டும். கூட்டுறவு தணிக்கை உதவி இயக்குநா் மற்றும் இளநிலை உதவியாளா்கள் பதவி உயா்வு பட்டியல்களை பட்டியல் நாளான ஏப்ரல் முதல் தேதியில் வழங்க வேண்டும். கூட்டுறவு தணிக்கைத் துறையில் உள்ள காலிப்பணியிடங்களை நிரப்ப வேண்டும்.
தமிழ்நாடு அரசு பணியாளர் தேர்வாணையம் மூலம் தேர்வு செய்யப்பட்ட கூட்டுறவு தணிக்கைத்துறை பணியாளர்களுக்கு துறை தொடர்பான பயிற்சி வழங்கப்படுவதால் துறை தேர்வுகளிலிருந்து விலக்கு அளிக்க வேண்டும். என்பன உள்ளிட்ட 18 தீா்மானங்கள் நிறைவேற்றப்பட்டன.
கூட்டத்தில் மாவட்டத் தலைவா் ரே.கதிா்வேல், மாவட்டச் செயலா் ஆ.கண்ணன், மாவட்ட துணைத் தலைவா்கள் வி.சுபா, வ.அருள், மாவட்டப் பொருளாளா் சு.விஜயகுமாா் உள்பட 500-க்கும் மேற்பட்டோா் கலந்துகொண்டனா். மாவட்டப் பொருளாளா் சு.விஜயகுமாா் நன்றி கூறினாா்.
