பாட்டாளி மக்கள் கட்சி நிறுவன டாக்டர் ராமதாஸ் அவர்களின் 87 வது பிறந்த நாளை ஒட்டி காஞ்சிபுரம் பேருந்து நிலையம், காந்தி சாலை உள்ளிட்ட பல்வேறு பகுதிகளில் பொது மக்களுக்கு இனிப்புகள் வழங்கி பாமக ராமதாஸ் அணியினர் கொண்டாட்டம்..
பாட்டாளி மக்கள் கட்சியின் நிறுவனர், மூத்த தமிழக அரசியல் தலைவருமான டாக்டர் ராமதாஸ் அவர்களின் 87 வது பிறந்தநாள் இன்று பாட்டாளி மக்கள் கட்சியினரால் சிறப்பாக கொண்டாடப்பட்டு வருகிறது.
அவ்வகையில் காஞ்சிபுரம் பேருந்து நிலையம் மற்றும் தேரடி ஆகிய பகுதிகளில் மாவட்ட செயலாளர் சங்கர் தலைமையில் ஏராளமான பாமக தொண்டர்கள் சாலை சென்ற பொதுமக்கள், பேருந்தில் பயணித்த பயணிகள் சாலையோர வியாபாரிகள் என அனைவருக்கும் லட்டு இனிப்பு வழங்கி அவருக்கு பிறந்தநாள் வாழ்த்து தெரிவிக்கும் படி கேட்டுக் கொண்டனர்.
இந்நிகழ்ச்சியில் பாமக நிர்வாகிகள் மலையாங்குளம் ஸ்ரீதர், சேஷாத்திரி, மகளிர் அணி நிர்வாகிகள் என ஏராளமானோர் கலந்து கொண்டனர்.
