திருவண்ணாமலை மாவட்டம் ஆரணி, செய்யாறு, கலசப்பாக்கம், போளூர், திருவண்ணாமலை, கீழ்பெண்ணாத்தூர் உள்ளிட்ட இடங்களில் மக்களை காப்போம் தமிழகத்தை மீட்போம் நிகழ்ச்சிக்காக அதிமுக பொதுச் செயலாளர் ,முன்னாள் முதல்வர் எடப்பாடி பழனிச்சாமி ஆகஸ்ட் 15ஆம் தேதி முதல் சுற்று பயணம் மேற்கொள்ள உள்ளார்.
அவரை வரவேற்பதற்கான முன்னேற்பாட்டுப் பணிகள், பொதுக்கூட்ட பணிகள் அண்ணாமலையார் கோவிலில் பூஜை போட்டு தொடங்கப்பட்டன. திருவண்ணாமலை அண்ணாமலையார் கோவிலில் அதிமுக முன்னாள் அமைச்சரும் தொண்டாமுத்தூர் தொகுதி சட்டமன்ற உறுப்பினருமான எஸ்.பி.வேலுமணி, திருமங்கலம் சட்டமன்ற தொகுதி உறுப்பினரும், முன்னாள் அமைச்சருமான ஆர். பி. உதயகுமார், போளூர் சட்டமன்ற தொகுதி உறுப்பினரும் முன்னாள் அமைச்சருமான அக்ரி எஸ்.எஸ்.கிருஷ்ணமூர்த்தி, முன்னாள் அமைச்சர் எஸ். ராமச்சந்திரன் உள்ளிட்ட நான்கு முன்னாள் அமைச்சர்கள் கழக முக்கிய நிர்வாகிகளுடன் ஒன்றாக இணைந்து அண்ணாமலையாரை தரிசனம் செய்தனர்.
முன்னதாக சம்பந்த விநாயகரை வணங்கிய அவர்கள், தொடர்ந்து அண்ணாமலையார் மற்றும் உண்ணாமலை அம்மனுக்கு நடைபெறும் சிறப்பு அபிஷேகத்தில் கலந்துகொண்டு அதிமுகபொதுச்செயலாளர் எடப்பாடி பழனிசாமி உடல் நலம் நன்றாக இருக்க வேண்டியும், வருகின்ற 16ம் தேதி திருவண்ணாமலையில் மக்களை காப்போம் தமிழகத்தை மீட்போம் சுற்றுப்பயணம் சிறப்பாக நடத்தி முடிக்க வேண்டி சிறப்பு அபிஷேகம் மற்றும் பூஜைகள் கலந்து கொண்டு சாமி தரிசனம் செய்தனர்.
ஆரணி
‘மக்களைகாப்போம் தமிழகத்தை மீட்போம்’ சுற்றுப்பயணம் மேற்கொண்டு வரும் அதிமுக பொதுச்செயலா் எடப்பாடி பழனிசாமி ஆரணி நகருக்கு ஆகஸ்ட் 15-ஆம் தேதி வருகை தர உள்ளாா்.
அண்ணாசிலை அருகில் அவா் பேச உள்ள இடத்தில் தொகுதி பொறுப்பாளா் வரகூா் அருணாசலம், ஆரணி எம்எல்ஏ சேவூா் எஸ்.ராமச்சந்திரன், மாவட்டச் செயலா் எல்.ஜெயசுதா ஆகியோா் முன்னிலையில் சிறப்பு பூஜை போடப்பட்டு வரவேற்புப் பணிகள் தொடங்கப்பட்டன.
மேற்கண்ட நிகழ்ச்சியில் மாவட்ட அம்மா பேரவை செயலாளர் பெருமாள் நகர் ராஜன், மாமன்ற உறுப்பினர்கள், நகர செயலாளர் செல்வம், ஒன்றிய செயலாளர்கள், அதிமுக நிர்வாகிகள் உள்ளிட்ட பலர் கலந்து கொண்டனர்.
