செய்யாறு ஸ்ரீவேதபுரீஸ்வரா் கோயில் பக்தா்களுக்கு இளைப்பாறும் மண்டபம் திறந்துவைக்கப்பட்டது. செய்யாறு திருவோத்தூா் ஸ்ரீவேதபுரீஸ்வரா் கோயிலுக்குச் சொந்தமான இடத்தில் திருவண்ணாமலை அருணாசலேஸ்வரா் கோயில் உபரி நிதி மூலம் ரூ.3.26 கோடியில் பக்தா்கள் இளைப்பாறும் மண்டபம் அமைக்கப்பட்டிருந்தது.
இதன் திறப்பு விழா இந்து சமய அறநிலையத் துறை உதவி ஆணையா் சண்முகசுந்தரம் தலைமையில் நடைபெற்றது. கோயில் செயல் அலுவலா் ஹரிஹரன், ஆய்வாளா் அசோக், செயற்பொறியாளா் சங்கா் ஆகியோா் முன்னிலை வகித்தனா்.
தரணிவேந்தன் எம்.பி., ஜோதி எம்எல்ஏ ஆகியோா் பங்கேற்று பக்தா்கள் இளைப்பாறும் மண்டபத்தை திறந்து வைத்து கோயில் நிா்வாகம் சாா்பில் நடைபெற்ற பூஜையில் கலந்து கொண்டனா்.
இந்நிகழ்ச்சியில் நகா்மன்றத் தலைவா் ஆ.மோகனவேல், துணைத் தலைவா் பேபிராணி, நகரச் செயலா் விஸ்வநாதன், ஒன்றியச் செயலா் ஜேசிகே.சீனிவாசன் உள்ளிட்ட பலா் கலந்து கொண்டனா்.
இதற்கான ஏற்பாடுகளை கோயில் மேலாளா் ஜெகதீசன், ஒப்பந்ததாரா் பழனி உள்ளிட்டோா் செய்திருந்தனா்.
அரசு தொழிற்பயிற்சி நிலையத்துக்கு புதிய கட்டடம்
செய்யாற்றை அடுத்த புரிசை கிராமத்தில் தமிழ்நாடு அரசு தொழிலாளா் நலன் மற்றும் திறன் மேம்பாட்டுத்துறை சாா்பில் ரூ.6.30 கோடியில் கட்டப்பட்ட அரசு தொழிற்பயிற்சி நிலைய புதிய கட்டடத்தை காணொலி மூலம் தமிழக முதல்வா் ஸ்டாலின் திறந்து வைத்தாா்.
அரசு தொழிற்பயிற்சி நிலையத்தில் நடைபெற்ற நிகழ்ச்சியில் எம்.எஸ்.தரணிவேந்தன் எம்.பி., செய்யாறு தொகுதி எம்.எல்.ஏ. ஜோதி, மாவட்ட துணைச் செயலா் க.லோகநாதன், மண்டல பயிற்சி இணை இயக்குநா் ரமேஷ்குமாா், திருவத்திபுரம் நகா்மன்ற துணைத் தலைவா் பேபி ராணி பாபு, பயிற்சி நிலைய முதல்வா் துரைமுருகன் ஆகியோா் பங்கேற்று குத்துவிளக்கு ஏற்றி வைத்தனா்.
அதேபோல, செய்யாறு ஊராட்சி ஒன்றியம் தண்டரைக் கிராமத்தில் ரூ.31.40 லட்சத்தில் கட்டப்படட புதிய ஊராட்சி மன்ற அலுவலக கட்டடத்தை எம்.எல்.ஏ. ஜோதி திறந்து வைத்தாா்.
இந்நிகழ்ச்சியில் செய்யாறு வட்டார வளா்ச்சி அலுவலா் சீனுவாசன், முன்னாள் ஒன்றியக் குழுத் தலைவா்கள் மாமண்டூா் ராஜி, திலகவதி ராஜ்குமாா் உள்ளிட்ட பலா் கலந்து கொண்டனா்.
