– சமீபத்தில் பிரான்ஸில் 1800 ஆண்டுகள் பழமையான தங்க மோதிரம் கண்டுபிடிக்கப்பட்டுள்ளது.
உலகெங்கிலும் உள்ள தொல்பொருள் ஆராய்ச்சியாளர்கள் பல்வேறு கண்டுபிடிப்புகளில் ஈடுபட்டுள்ளனர். அவ்வபோது செய்து வெற்றியும் பெறுகிறார்கள். இப்போது பிரான்சிலும் அப்படித்தான் நடந்துள்ளது. பிரான்ஸின் பிரிட்டானியில் 1,800 ஆண்டுகள் பழமையான தங்க மோதிரம் ஒன்றை தொல்பொருள் ஆராய்ச்சியாளர்கள் கண்டுபிடித்துள்ளனர்.
கண்டுபிடிக்கப்பட்ட மோதிரம் ரோமானியப் பேரரசைச் சேர்ந்தது என தகவல்கள் தெரிவிக்கின்றன. அந்த மோதிரத்தில் அழகின் தெய்வமான வீனஸின் படமும் பொறிக்கப்பட்டுள்ளது. கரோலிங்கியன் பேரரசின் காலத்தைச் சேர்ந்த சில நாணயங்களும் மோதிரத்துடன் கிடைத்துள்ளன.
பிரான்சில் கண்டெடுக்கப்பட்ட 1,800 ஆண்டுகள் பழமையான தங்க மோதிரம் இன்னும் நல்ல நிலையில் உள்ளது. இந்த மோதிரத்தின் நல்ல நிலையைப் பார்த்த தொல்பொருள் ஆராய்ச்சியாளர்களும், இந்த மோதிரம் நீண்ட நாட்களுக்குப் பிறகும் எப்படி நல்ல நிலையில் உள்ளது என ஆச்சரியமடைந்துள்ளனர்.
அந்த மோதிரத்தை ஆய்வு செய்ததில், அதில் நிக்கோலோ என்ற பெயர் பொறிக்கப்பட்ட ரத்தினம் இருப்பது கண்டுபிடிக்கப்பட்டதாக பிரான்ஸ் தொல்பொருள் ஆராய்ச்சி நிறுவன வல்லுநர்கள் தெரிவித்தனர். நிக்கோலோ என்பது ஒரு வகை ஓனிக்ஸ் கல் மற்றும் அதன் மேல் ஒரு நீல அடுக்கு மற்றும் கீழே ஒரு கருப்பு அடுக்கு இருக்கும் வகையில் வெட்டப்பட்டது. இந்த ரத்தினம் தங்கத்தால் பதிக்கப்பட்டுள்ளது மற்றும் அதை சுற்றி கோடுகள் பொறிக்கப்பட்டுள்ளது.
இதுமட்டுமின்றி, பிரிட்டானியில் ரோமானியப் பேரரசு காலத்து சாலையும் கண்டுபிடிக்கப்பட்டுள்ளது. வாகனங்களின் சக்கரங்களின் அடையாளங்கள் இன்னும் சாலையில் தெரிகிறது. தடித்த சக்கரங்கள் கொண்ட வண்டிகள் சாலையில் ஓடியதை இந்தக் குறிகள் காட்டுகின்றன. அருகிலுள்ள குடியிருப்புகளில் வசிக்கும் மக்களை ஏற்றிச் செல்ல வண்டிகள் பயன்படுத்தப்பட்டிருக்கலாம்.
