பொறியியல், சுகாதாரம் மற்றும் துப்புரவு பிரிவுகளில் பணியாற்றும் தற்காலிக பணியாளர்களின் நலன் காக்கும் கவுன்சிலர்களின் நிலைப்பாட்டுக்கு ஈரோடு மாநகராட்சி மேயர் நாகரத்தினம் சுப்பிரமணியம் ஆதரவு தெரிவித்தார்.
ஈரோட்டில் நடைபெற்ற மாநகராட்சி கவுன்சில் கூட்டத்தில், மாநகராட்சி மற்றும் நகராட்சிகளில் அவுட்சோர்சிங் ஏஜென்சிகளை பணியில் அமர்த்த வேண்டும் என்ற புதிய உத்தரவை பல கவுன்சிலர்கள் எதிர்த்தனர்.
இந்த அரசாணை அமல்படுத்தப்பட்டால் இப்போது சுய உதவிக்குழுக்களின் கீழ் பணிபுரியும் நூற்றுக்கணக்கான தொழிலாளர்கள் மிகவும் பாதிக்கப்படுவார்கள் என்று அவர்கள் தெரிவித்தனர். எனவே, இந்த முடிவை அரசு மறுபரிசீலனை செய்ய வேண்டும் என்று வேண்டுகோள் விடுத்துள்ளனர்.
“மாநிலம் முழுவதும் உள்ள 20 மாநகராட்சிகள் மற்றும் நகராட்சிகளை உள்ளடக்கிய அரசாணையை எதிர்க்க முடியாது” என்று மாநகராட்சி கமிஷனர் சிவக்குமார் தெரிவித்தார். அப்போது, இப்பிரச்னையில் கவுன்சிலர்களின் கருத்துகள் அரசுக்கு அனுப்பி வைக்கப்பட்டு, தொழிலாளர்க ளின் நலன் முழுமையாக பாதுகாக்கப்படும் என்றார் மேயர். கவுன்சிலர்கள் அவரது நிலையை பாராட்டி நன்றி தெரிவித்தனர்.
