ஈரோடு திண்டல் வேளாளர் மகளிர் கல்லூரி (தன்னாட்சி)
53-ஆவது விளையாட்டு விழா நடைபெற்றது.
வேளாளர் மகளிர் கல்லூரியின் 53-வது விளையாட்டு விழா 11.03.2023 அன்று காலை 8மணியளவில் நடைபெற்றது. விழாவுக்கு, வேளாளர் கல்வி நிறுவனங்களின் செயலர் எஸ்.டி சந்திரசேகர் விழாவிற்கு தலைமை வகித்தார். கல்லூரியின் முதல்வர் எஸ்.கே. ஜெயந்தி வரவேற்புரையாற்றினார்.
தேசிய தடகள வீரர் என். அண்ணாவி சிறப்பு விருந்தினராக பங்கேற்று கொடியேற்றி விளையாட்டு விழாவைத் தொடக்கி வைத்தார்.
கல்லூரியின் விளையாட்டுத்துறை இயக்குனர் கே. மாலதி விளையாட்டுத்துறை ஆண்டறிக்கையை வாசித்தார். சிறப்பு விருந்தினர் விழா சிறப்புரையாற்றி, பரிசுகள் வழங்கி வாழ்த்தினார்.
மாணவிகள் பலவகையான விளையாட்டுகளில் பங்கேற்று சாகசங்களை நிகழ்த்தினர். விழாவின் இறுதியில் விளையாட்டுத்துறை மாணவச் செயலர் வி. பொற்கொடி நன்றி கூறினார்.
