பிளஸ் 2 தேர்வில் மாவட்ட அளவில் அதிக மதிப்பெண்கள் பெற்ற ஸ்ரீ வெங்கடேஸ்வரா மெட்ரிக். மேல்நிலைப்பள்ளி மாணவர்களை ஆட்சியர் பாராட்டி வாழ்த்தினார்.
புதுக்கோட்டை, திருக்கோகர்ணம் ஸ்ரீ வெங்கடேஸ்வரா மெட்ரிக். மேல்நிலைப்பள்ளியில் 12-ஆம் வகுப்பு பொது தேர்வில் மாணவர்கள் ஆவிச்சி விஸ்வநாதன் நான்கு பாடங்களில் நூற்றுக்கு நூறு மதிப்பெண் பெற்று 600 -க்கு 591 எடுத்து முதலிடமும், ஆயிஷாஷிபானா மூன்று பாடங்களில் நூற்றுக்கு நூறு மதிப்பெண் பெற்று 600 -க்கு 590 எடுத்து இரண்டாமிடமும், முத்து வடிவேல் கணிணி அறிவியல் பாடத்தில் நுற்றுக்கு நூறு மதிப்பெண் பெற்று 600 -க்கு 589 எடுத்து மூன்றாமிடமும் பெற்று மாவட்ட அளவில் அதிக மதிப்பெண்களை பெற்றுள்ளனர்.
தொடர்ந்து 22-ஆவது ஆண்டாக பிளஸ் 2 தேர்வில் நூறு சதவீதம் தேர்ச்சி பெற்று வருவதுடன், மாவட்ட அளவில் அதிக மதிப்பெண்களை பெற்றுள்ள ஸ்ரீ வெங்கடேஸ்வரா மெட்ரிக். மேல்நிலைப்பள்ளி மாணவர்களுக்கு மாவட்ட ஆட்சியர் கவிதா ராமு, பரிசுகள் வழங்கி பாராட்டுகளை தெரிவித்தார்.
இந்நிகழ்வில் பள்ளியின் முதல்வர் கவிஞர் தங்கம் மூர்த்தி, பள்ளியின் ஆலோசகர் அஞ்சலிதேவி தங்கம்மூர்த்தி, துணை முதல்வர் குமாரவேல் ஆகியோர் உடன் இருந்தனர்.
