சந்திரயான் வெற்றிகரமாக நிலவிற்கு சென்றடைந்ததை கொண்டாடும் வகையில் இஸ்ரோவிற்கு வாழ்த்து தெரிவித்து புதுக்கோட்டை லெனாவிலக்கு மவுன்ட் சீயோன் இன்டர்நேஷனல் பள்ளி மற்றும் மாலையீடு மவுன்ட் சீயோன் மெட்ரிக் பள்ளி மாணவ, மாணவிகள் சார்பில் 6500 கடிதங்கள் அனுப்பி வைக்கப்பட்டன.
புதுக்கோட்டை லேனா விளக்கு அருகே உள்ள மவுண்ட் சீயோன் இன்டர்நேஷனல் பள்ளி மற்றும் மெட்ரிகுலேஷன் பள்ளி மாணவ மாணவியர்கள் நிலவிற்கு சிறப்பான முறையில் சந்திரயான் 3 விண் கலத்தை அனுப்பி வைத்ததற்கு அரும்பாடு பட்ட இஸ்ரோ விஞ்ஞானிகளுக்கு 6500 வாழ்த்து கடிதங்கள் தபால் நிலையம் மூலம் அனுப்பினார்கள்.
தலைமை தபால் நிலையத்திலிருந்து அதிகாரிகள் பள்ளி வளாகத்திற்கு நேரடியாக சென்று வாழ்த்து கடிதங்களை பெற்றுக் கொண்டனர்.
பள்ளி வளாகத்தில் நிலவிற்கு சென்ற சந்திரயான் 3. செயல் விளக்கம் மற்றும் சதுரங்க போட்டியில் பிரக் ஆனந்தா வெற்றி பெற்றதற்கு வாழ்த்து தெரிவிக்கும் வகையில் மாணவ மாணவிகள் தரையில் அமர்ந்து சதுரங்க வடிவமைத்து அனைவரையும் கவர்ந்தனர்.அதேபோல் இஸ்ரோ மற்றும் இந்தியா வடிவமைத்து தரையில் அமர்ந்து அனைவரையும் கவர்ந்தனர்.
பள்ளி தாளாளர் ஜோனத்தன் தலைமையில் இந்த நிகழ்வு நடைபெற்றது. இந்நிகழ்வில் ஆசிரியர்கள் கலந்து கொண்டனர்.
நிகழ்ச்சி நிறைவில் பல வண்ணங்கள் கொண்ட 1000க்கும் மேற்பட்ட பலூன்களை வானில் பறக்கவிட்டு மகிழ்ச்சி அடைந்தனர்.அதனைத் தொடர்ந்து இந்த நிகழ்விற்கு நன்றி தெரிவிக்கும் அருகே தேசிய கொடியை கையில் இருந்து ஏந்தியபடி வானத்தை நோக்கி மாணவ மாணவியர்கள் நன்றி தெரிவித்தனர்
