நகர்ப்புற வெள்ளம் என்பது திட்டமிடப்படாத இடைக்கட்டுமான உள்கட்டமைப்பு வளர்ச்சியின் விளைவாகும். இது சென்னையைப் பற்றியது மட்டுமல்ல, மும்பை, கொல்கத்தா, பெங்களூர் போன்ற பெரும்பாலான நகரங்களின் கவலையும் கூட. சென்னை மாநகரம் இயற்கையிலிருந்து விலகி நீண்ட காலமாகிறது.
நிலத்தடி நீரை நிரப்புவதற்கும், மற்ற உயிரினங்களின் பயன்பாட்டிற்காகவும் அதிக மழை நீரை சேமித்து வைப்பது என்பதான இயற்கையின் திட்டங்களை அழிக்கிற நீர்நிலைகளை ஆக்கிரமிப்பது,
தாழ்வான பகுதிகளில் உள்கட்டமைப்பு திட்டங்களை அதிகரித்துக்கொண்டே செல்வது, தாழ்வான பகுதிகளை அருகில் உள்ள கால்வாய்களுடன் இணைப்பதில் அலட்சியம் காட்டுவது,
தொழிற்சாலைக் கழிவுகள் மற்றும் வீட்டுக் கழிவுநீர் கால்வாய்கள், பக்கிங்ஹாம், கூவம் போன்ற ஆறுகள் போன்றவற்றில் கலக்கும் மானுடவியல் பிழைகள் அதிகரிப்பது,அதிகப்படியானமழை நீரை இயற்கையாக கடலில் கலப்பதைத் தடுக்கும் அளவுக்கதிமான வண்டல் மண் படிவு உருவாகுதல் என்று பல காரணங்கள் வெள்ள பாதிப்புக்கு காரணம் என பட்டியலிடலாம்.
நீர்நிலைகள் மற்றும் தாழ்வான பகுதிகளில் மேலும் விரிவடைவதை நிறுத்த அரசின் முயற்சிகள்,வெள்ளம் ஏற்பட வாய்ப்புள்ள பகுதிகளை கண்டறிந்து, எதிர்காலத்தில் இதுபோன்ற வெள்ளம் ஏற்படாமல் தடுக்க குறிப்பிட்ட பகுதிக்கான தீர்வுகள்,
சென்னை வழியாக பாயும் கால்வாய்கள் மற்றும் ஆறுகளில் அதிக மழை நீரை கையாளும் வகையில் தூர்வாருதல், அத்தகைய இயற்கை வடிகால் அமைப்புடன் இதுவரை இணைக்கப்படாத பகுதிகளை இணைப்பது, ஏற்கெனவே கட்டப்பட்ட கட்டிடங்களில் வெள்ளத்தைத் தாங்கும் அம்சங்களை கண்டறிந்து மறுசீரமைப்பு வேலைகள் செய்தல்,
வலுவான தகவல் தொடர்பு வலையமைப்பு ஏற்படுத்தப் படுதல், மிக மோசமான இயற்கை பேரிடர்களின் போதும், அரசாங்கத்துடன் தொடர்பு கொள்வதற்கான குறைந்தபட்ச தகவல் தொடர்பு வசதி உறுதி செய்யப்படுதல் போன்றவற்றில் கவனம் செலுத்த, எதிர்காலத்தில் இப்படியானபேரிடரிலிருந்து தப்பிக்கலாம்.
சென்னை எத்தகைய பேரிடர்களை சந்தித்தாலும், எதிர்காலத்தில் தீர்வு கிடைக்கும் என்ற நம்பிக்கை மட்டும் சென்னைவாசிகளுக்கு மிச்சம் இருக்கிறது. அரசு அவர்களின் பணியை செய்யட்டும் அதே வேளையில் பொறுப்புள்ள சென்னை வாசிகள் என்ற முறையில் நாம் சில வாழ்க்கை முறை மாற்றங்களைச் செய்ய வேண்டும்.
மக்காத குப்பைகளை தெருக்களில் கொட்டுவதை நிறுத்து வோம். வடிகால்களில் அடைப்பு ஏற்பட்டு தண்ணீர் வராமல் இருப்பதற்கு இதுவே முக்கிய காரணம். நிலம் அல்லது வீடு வாங்கும் முன், அது நீர் நிலையாக இருந்தாலும் இல்லா விட்டாலும் அதன் புவியியல் புள்ளிவிவரங்களைக் கருத்தில் கொள்ள வேண்டும்.
எந்த ஒரு அடிப்படை கல்வியறிவு பெற்றவரும் செய்யக்கூடிய அந்த பகுதியைப் பற்றிய எளிய ஆராய்ச்சி போதுமானது. இயற்கை பேரழிவுகளின் போது சிக்கித் தவிர்க்கவும், அத்தகைய இடங்களுக்குள் நாம் நுழைவதைத் தடுக்கவும் அது பேருதவியாக இருக்கும்
வெள்ளம் எல்லாவற்றையும் அழித்துவிடும், ஆனால் நம் இதயத்தில் உள்ள நம்பிக்கையை அவற்றால் கழுவ முடியாது. இந்த வெள்ளத்தில் நாம் நிறைய இழந்து விட்டோம். இந்த இக்கட்டான கால கட்டங்களில் இருந்து மீள்வதற்கான அனைத்து வலிமையையும், நம் மீதுள்ள நம்பிக்கையை நாம் இழக்காமல் இருக்க நான் பிரார்த்திப்பேன்.
இந்த வெள்ளத்தில் நம்மை போல நிறைய இழந்தவர்கள் இருக்கிறார்கள், நாம் இழந்ததை விட இழந்தவர்கள் பலர் இருக்கிறார்கள். நம்பிக்கையை இழக்க வேண்டாம் உறவுகளே. வெள்ளம் நம் வாழ்க்கையிலிருந்து பல விஷயங்களைக் கழுவிச் சென்றாலும், நம்மிடம் உள்ள வலிமையையும் நேர்மறையான எண்ணங்களை அவற்றால் கழுவ முடியாது.
இந்த பேரழிவு காலங்களில் பாதிக்கப்பட்ட உங்களுக்கு எனது அன்பான அனுதாபங்களை நீங்களும் உங்கள் அன்பானவர் களும் எப்போதும் என் பிரார்த்தனையில் இருக்கிறீர்கள்.
# இங்கிலாந்திலிருந்து சங்கர் 🎋 #
