புதுக்கோட்டை வெங்கடேஸ்வரா கல்வியியல் கல்லூரியில் ரோட்ராக்ட் சங்க நிர்வாகிகள் பணி ஏற்பு விழா நடைபெற்றது.
புதுக்கோட்டை வெங்கடேஸ்வரா கல்வியியல் கல்லூரியில் ரோட்டராக்ட் சங்க விழா புதுக்கோட்டை மகாராணி ரோட்டரி சங்கம் சார்பில் நடைபெற்றது.
புதுக்கோட்டை மகாராணி ரோட்டரி சங்கத்தின் தலைவர் கருணைச்செல்விரவிக்குமார் தலைமையேற்று கல்லூரியின் ரோட்டராக்ட் சங்கத்தின் தலைவராக ஏ.குணாளன், செயலாளராக எம்.உமாமகேஸ்வரி, பொருளாளராக எஸ்.தர்ஷிணி ஆகியோருக்கு பதவி பிரமாணம் செய்து வைத்தார்.
கல்லூரியின் முதல்வர் முனைவர் எம்.இளங்கோவன் வரவேற்புரையாற்றினார். ஸ்ரீ பாரதி பொறியியல் கல்லூரியின் தாளாளர் கனகராஜன்; சிறப்பு விருந்தினராக கலந்து கொண்டார்.
வெங்கடேஸ்வரா கல்வி நிறுவனங்களின் செயலாளர் பி.கருப்பையா, பொருளாளர் கவிஞர் ஆர்.எம்.வீ.கதிரேசன், அறங்காவலர் கே.ராஜா, மகாராணி ரோட்டரி சங்கத்தின் மண்டல ஒருங்கிணைப்பாளர் ஆரோக்கியசாமி, துணை ஆளுநர் கவிதாராஜசேகரன் ஆகியோர் வாழ்த்துரை வழங்கினர்.
கல்லூரி வளாகத்தில் மரக்கன்றுகளை நட்டு நாட்டின் வளத்தை அதிகரிக்க வேண்டும் என்று உறுதிமொழி எடுத்துக்கொண்டனர். உதவிப் பேராசிரியர் கு.கலைவாணன் நிகழ்ச்சியினை தொகுத்து வழங்கினார். பேராசிரியர்கள் மற்றும் மாணவ, மாணவிகள் அனைவரும் கலந்து கொண்டனர். செயலாளர் எம்.உமாமகேஸ்வரி நன்றி கூறினார்.
