ஈரோடு மாவட்டம், கோபிச்செட்டிபாளையத்தில் புரூஸ்லி ஷிட்டோ ரியோ கராத்தே இந்தியா சார்பில் மாநில அளவிலான கராத்தே போட்டிகள் நடைபெற்றது.
மாநில அளவிலான கராத்தே போட்டிகள் தொடக்க நிகழ்வுக்கு புரூஸ்லி ஷிட்டோ ரியோ மாநில தலைவர் ஷிகான் என்.குட்டிராஜா தலைமை வகித்தார்.
மாநில தலைவர் பரமேஸ்வரன் , மாநில செயலாளரும் யுவா மார்ஷியல் ஆர்ட்ஸ் அகாடமி நிறுவனருமான கே.செங்கோட்டையன் (எ) யுவராஜ் ஆகியோர் முன்னிலை வகித்தனர்.
கோபி நகராட்சி தலைவர் என்.ஆர்.நாகராஜ் போட்டியை
தொடக்கி வைத்தார். ஈரோடு மாவட்ட உடற்கல்வி ஆய்வாளர் சாலமன் கலந்து கொண்டு வீரர்களை வாழ்த்திப் பேசினார்.
போட்டியில் ஈரோடு, திருப்பூர், கோவை, சேலம், நாமக்கல் உள்ளிட்ட மாவட்டங்களில் இருந்து 800 -க்கும் மேற்பட்ட வீரர் வீராங்கனைகள் கலந்து கொண்டு திறமையை வெளிப் படுத்தினர்.
நான்கு பிரிவுகளாக நடந்த போட்டியில் வீரர்கள் வீராங்கனைகளில் முதல் மூன்று இடங்கள் பிடித்த வீரர் வீராங்கனைகளுக்கு கேடயம் மற்றும் பரிசு வழங்கப்பட்டது.