உலக மாற்றுத்திறனாளிகள் தினவிழாவினை முன்னிட்டு சேலம் மாவட்டத்தில் மாவட்ட அளவிலாள விளையாட்டுப்போட்டிகள் நடைபெறவுள்ளன.
இதுகுறித்து மாவட்ட ஆட்சியர் பிருந்தாதேவி தெரிவித்துள்ளதாவது:
ஒவ்வொரு ஆண்டும் 03.12.2024 அன்று அனைத்து நாடுகள் மாற்றுத்திறனாளிகள் தினவிழா கொண்டாடப்பட்டு வருகிறது.
மாற்றுத்திறனாளிகள் தினவிழாவை முன்னிட்டு மாவட்ட அளவிலான விளையாட்டுப் போட்டிகள் வருகின்ற 18.11.2024, திங்கள்கிழமை அன்று காலை 9 மணிக்கு சேலம், மகாத்மா காந்தி விளையாட்டு மைதானத்தில் நடைபெற உள்ளது.
அனைத்து வகையான மாற்றுத்திறனாளிகளுக்கும் ஓட்டப்பந்தயம், நின்று நீளம் தாண்டுதல், குண்டு எறிதல், வட்டத்தட்டு எறிதல் உள்ளிட்ட விளையாட்டுப் போட்டிகள் நடைபெற உள்ளன. எனவே, விளையாட்டுப் போட்டிகளில் கலந்து கொள்ள விருப்பமுள்ள மாற்றுத்திறனாளிகள் தங்களது மாற்றுத்திறனாளிகளுக்கான அடையாள அட்டை நகல் மற்றும் ஆதார் அட்டை நகலுடன் கலந்துகொள்ளலாம்.
இவ்வாறு மாவட்ட ஆட்சியர் தெரிவித்துள்ளார்.
