24 மணி நேர சேவை மையமான 104 மற்றும் 14416 தொடர்பு கொண்டு இது போன்ற நபர்கள் தகவல் அளிக்க வேண்டுகோள் விடுத்தனர்.
காஞ்சிபுரம் மாவட்டத்தின் பல்வேறு பகுதிகள் மற்றும் காலை வரப் பகுதிகளில் ஆதரவற்ற மனநலம் பாதிக்கப்பட்ட நபர்கள் சுற்றி திரிந்து வரும் நிலையில் அவர்களின் நிலையினை கருத்தில் கொண்டு கடந்த சட்டமன்ற கூட்டத்தொடரின் போது தமிழகம் முழுவதும் உள்ள அரசு மருத்துவமனைகளில் ஆதரவற்ற மனநல பாதிக்கப்பட்டோருக்கான அவசர சிகிச்சை மையம் மற்றும் மீட்பு மையம் ரூபாய் 60 லட்சம் மதிப்பில் துவக்கப்படும் என அறிவிக்கப்பட்டது.
இதற்காக பேனியன் மற்றும் மேனரோண்டா என்ற தன்னார்வர் அமைப்புகளுடன் இணைந்து இவர்களுக்கான மீட்பு நடைபெறும் எனவும் கூறப்பட்டது.
இதனைத் தொடர்ந்து காஞ்சிபுரம் மாவட்ட அரசு மருத்துவமனையில் இன்று அதற்கான அவசர சிகிச்சை மற்றும் மீட்பு மையம் ஆகியவற்றினை மாவட்ட ஆட்சியர் கலைச்செல்வி சட்டமன்ற உறுப்பினர் எழிலரசன் ஆகியோர் இணைந்து துவக்கி வைத்து பார்வையிட்டனர்.
இந்த சிகிச்சை மையத்தில் பத்து ஆண்கள் மற்றும் 10 பெண்கள் ஆகியோரை பராமரிக்கும் வகையில் கட்டமைப்பு உருவாக்கப்பட்டு 24 மணி நேரம் அவர்களுக்கான சேவை மேற்கொள்ளப்படும் என தெரிவிக்கப்பட்டுள்ளது.
இது குறித்து சட்டமன்ற உறுப்பினர் எழிலரசன் கூறுகையில், குடும்ப சூழ்நிலை காரணமாக வெளியேறிய நபர்களும், ஆதரவற்ற நபர்களும் தன்னம்பிக்கை பெறவே இந்த மீட்பு மையமும் அவர்களுக்கான சிகிச்சையும் அளிக்கப்படும் வகையில் இது அமைக்கப்பட்டுள்ளது.
பொதுமக்கள் மற்றும் சமூக ஆர்வலர்கள் சாலையோரம் சுற்றித் திரியும் இது போன்ற நபர்களை சேர்க்க தகவல் அளிக்க அவசர எண் 104 மற்றும் 14416 ஆகிய எண்களில் தொடர்பு கொள்ளலாம் என தெரிவித்தார்.
தமிழகத்தில் இதுவரை 60 ஆயிரத்து 999 நபர்களை மீட்டு 822 நபர்களுக்கு சிகிச்சை அளித்து அவரது குடும்பத்துடன் இணைத்துள்ளதாகவும் இந்த தனியார் தன்னார்வலர் அமைப்பினர் தெரிவித்துள்ளனர்.
இந்நிகழ்ச்சியில் காஞ்சிபுரம் அரசு மருத்துவமனை இணை இயக்குனர் நளினி, மருத்துவமனை கண்காணிப்பாளர் பாலகிருஷ்ணன் மற்றும் மருத்துவர்கள் என பலர் கலந்து கொண்டனர்
