கூட்டணி ஆட்சி அமைந்தால் தமிழக வளர்ச்சி குறைந்துவிடும்: கொங்கு ஈஸ்வரன் கவலை..!

நாமக்கல்:

தமிழகத்தில் கூட்டணி ஆட்சி அமைந்தால் மாநிலத்தின் வளர்ச்சி குறைந்துவிடும் என கொமதேக பொதுச்செயலாளர் ஈஸ்வரன் எம்எல்ஏ கூறினார்.

ஒருங்கிணைந்த நாமக்கல் மாவட்ட கொமதேக பொதுக்குழு கூட்டம், நாமக்கல்லில் நடைபெற்றது. மாவட்ட செயலாளர் மாதேஸ்வரன், எம்.பி., நிக்ச்சிக்கு தலைமை வகித்தார். மாநில நிர்வாகிகள் மணி, துரை, மாவட்ட விசவாய அணி செயலாளர் ரவிச்சந்திரன் ஆகியோர் முன்னிலை வகித்தனர்.

கட்சியின் பொதுச்செயலாளர் ஈஸ்வரன் எம்.எல்.ஏ., கூட்டத்தில் கலந்துகொண்டு பேசினார். தொடர்ந்து, அவர் செய்தியாளர்களிடம் கூறியாதவது:

2026 சட்டசபை தேர்தலுக்கான பணிகளை துவங்கும் வகையில், ஒவ்வொரு மாவட்டத்திலும், மாவட்ட பொதுக்குழு கூட்டம் நடத்தி வருகிறோம். தேர்தல் பணிகளை உடனடியாக துவங்கவும், ஒவ்வொரு நிர்வாகிகளின் சந்தேங்களையும் விளக்கி வருகிறோம். மத்திய அரசு விவசாயிகள் மீது பெரும் கோபத்துடன் இருப்பதாக தெரிகிறது. நிலத்தடி நீருக்கான வரிக்கட்டணம் இப்போது இல்லை என கூறுகின்றனர். சிபில் ஸ்கோர் பார்த்து கூட்டுறவு கடன் வழங்குவதாக தெரிவித்துள்ளனர்.

விவசாயி பயிரிடும் போது வருவாய்க்கு உத்தரவாதம் கிடையாது. மத்திய அரசு விவசாயிகளை பாதிக்கும் வகையில் சட்டங்களை போடுகிறது. தமிழக சட்டசபை தேர்தல் நேரத்தில், கூட்டணி பேச்சுவார்த்தை நடக்கின்ற போது, கூட்டணி கட்சியின் தலைவரிடம் தொகுதி குறித்து பேசுவோம். எந்த ஆட்சியாக இருந்தாலும் குற்றமே நடக்காமல் இருக்காது. நடந்த குற்றத்திற்கு தேவையான நடவடிக்கைககளை இந்த ஆட்சியில் வேகப்படுத்துகிறார்கள். சட்டத்தின்படி நடவடிக்கைகளை மேற்கொள்கிறார்கள், குற்றம் நடந்தாலே ஆட்சி மீது குற்றம் கூறுவார்கள்.

எதிர்கட்சிகள் கேள்வி கேட்பார்கள். காவிரி – திருமணி முத்தாறு திட்டம் குறித்து அறிவிப்பு விரைவில் வெளியாகும் என தெரிகிறது. அ.தி.மு.க. – பா.ஜ., கூட்டணி தொடர்பாக, பா.ஜ., பேசுவதைப் பார்த்தால், அ.தி.மு.க., கூட்டணி ஆட்சிக்கு ஒப்புக்கொண்டதாக தெரிகிறது. தமிழகத்தில், கூட்டணி ஆட்சி வந்தால் மாநிலத்தின் ஒட்டுமொத்த வளர்ச்சி பாதிக்கும். நிலையான ஆட்சி தான் வேண்டும். நிலையான ஆட்சி இருந்தால்தான் வளர்ச்சி. கூட்டணி ஆட்சி இருந்தால் சிதைந்து விடும். இவ்வாறு அவர் கூறினார்.