நாமக்கல் :
பரமத்தி மலர் மெட்ரிக் மேல்நிலைப்பள்ளியில், காமராஜர் பிறந்த நாள் விழா கல்வி வளளர்ச்சி நாளாக கொண்டாடப்பட்டது.
நாமக்கல் மாவட்டம், பரமத்தி மலர் மெட்ரிக் மேல்நிலைப்பள்ளியில் நடைபெற்ற காமராஜர் பிறந்த நாள் விழா மற்றும் கல்வி வளர்ச்சி நாள் விழாவிற்கு பள்ளியின் துணைத்தலைவர் ராஜேந்திரன் தலைமை வகித்து, காமராஜரின் உருவப்படத்திற்கு மாலை அணிவித்து மரியாதை செலுத்தினார்.
பள்ளி செயலாளர் கந்தசாமி, பொருளாளர் வெங்கடாசலம், துணைச்செயலாளர் தங்கராஜு மற்றும் இயக்குநர்கள் முன்னிலை வகித்தனர். காமராஜரின் சிறப்புகளை விளக்கும் வகையில் பள்ளி மாணவ மாணவிகளின், பேச்சுப்போட்டி, பாடல்கள், நாடகம், நடனம், கவிதைகள் உள்ளிட்ட கலை நிகழ்ச்சிகள் நடைபெற்றன. போட்டியில் வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன.
முன்னதாக பள்ளி முதல்வர் ராஜசேகரன் வரவேற்றார். முடிவில் துணை முதல்வர் மகாலிங்கம் நன்றி கூறினார்.
