நகர்புற உள்ளாட்சி தேர்தலுக்கான இறுதி வேட்பாளர் பட்டியல் அறிவிக்கப்பட்டுள்ளது. நகர்புற உள்ளாட்சிக்கான தேர்தல் பிப்.19 -ல் நடைபெறுகிறது.
ஈரோடு மாவட்டம், நம்பியூர் பேரூராட்சியில் 15 வார்டுகள் அமைந்து உள்ளன. அதிமுக., சார்பில் 7 வது வார்டில் ஒன்றிய செயலாளர் தம்பி சுப்பிரமணியம், 12 -ஆவது வார்டில் ஆண்டிக்காடு சரவணன் ஆகியோர் போட்டியிடுகின்றனர்.
வார்டு பகுதியில் அதிமுக., வேட்பாளர்கள் வீடு வீடாக சென்று தீவிர பிரசாரம் மேற்கொண்டு வருகின்றனர். பிரசாரத்தின் போது, அதிமுக ஆட்சி காலத்தில் செய்யப்பட்ட திட்டப்பணிகளான, அவிநாசி அத்திக்கடவு திட்டம், நம்பியூர் தனி தாலுகா, புதிய பஸ் ஸ்டாண்டு, தீயணைப்பு நிலையம், அரசுக்கலைக்கல்லூரி, குடிநீர் வசதி, தார்சாலை வசதி போன்றவை குறித்து துண்டு பிரசுரம் விநியோகம் செய்யப்பட்டு வருகிறது
