சந்தைப்பேட்டை அரசு மகளிர் பள்ளியில் அறிவியல் கண்காட்சி நடைபெற்றது.
புதுக்கோட்டை சந்தைப்பேட்டை அரசு மகளிர் மேல்நிலைப்பள்ளியில் 25.03.2022 அறிவியல் கண்காட்சி நடைபெற்றது. அரசுப் பள்ளி மாணவிகளின அறிவியல் அறிவை விரிவு செய்யவும் திறனை வெளிப்படுத்தவும் ஒவ்வொரு ஆண்டும் மாணவிகளுக்கான அறிவியல் கண்காட்சி நடைபெறும்.
அந்த வகையில் இன்று அறிவியல் கண்காட்சி நடைபெற்றது. ஆறிலிருந்து பன்னிரெண்டாம் வகுப்பு மாணவிகள் ஆர்வமுடன் கலந்து கொண்டு தாங்கள் செய்த அறிவியல் செய்முறைகளை காட்சிப்படுத்தி பார்வையாளர்களுக்கும் பெற்றோர்களுக்கும் செய்முறை விளக்கங்களை சிறப்பாக செய்து காட்டினர்.
முன்னதாக அறிவியல் கண்காட்சியை பள்ளியின் பெற்றோர் ஆசிரியர் கழகத் தலைவர் அஞ்சலிதேவி தங்கம் மூர்த்தி துவக்கி வைத்து பார்வையிட்டு மாணவர்களின் அறிவியல் ஆர்வத்தை பாராட்டி ஊக்கப்படுத்தினார்.
பள்ளியின் அறிவியல் கண்காட்சிக்கான ஏற்பாடுகளை பள்ளி தலைமை ஆசிரியை சுசரிதா மற்றும் அறிவியல் ஆசிரியர் பிரமிளா மற்றும் ஆசிரியப்பெருமக்களும் திரளான மாணவிகளும் பெற்றோர்களும் கலந்துகொண்டனர்.
