ரயில் டிக்கெட் முன்பதிவு செய்யப் போறீங்களா? இது தெரியாம பண்ணாதீங்க..
டிக்கெட் புக்கிங் செய்வதற்கான ரயில் பெட்டி குறியீடுகள் மாற்றப்பட்டுள்ளன. அது என்ன என்று தெரிந்துகொண்டு முன்பதிவு செய்தால் நல்லது.
தொலை தூர பயணங்களுக்கு மக்களின் முதல் விருப்பம் ரயில்தான்:
சொந்த ஊர்களுக்குச் செல்வோருக்கும் சுற்றுலா செல்வோருக்கும், வெகுதூரம் வேலைக்குச் செல்வோருக்கும் ரயில்கள் மிகவும் பிடித்தமான போக்குவரத்து ஊடகமாக உள்ளன. ரயில் பயணம் பாதுகாப்பானது என்பதோடு, டிக்கெட் கட்டணமும் குறைவு. மிக வேகமாகவும் பயணிக்கலாம். இதனால் நிறையப் பேர் பேருந்து, விமானப் பயணங்களை விட ரயில் பயணங்களையே அதிகமாகத் தேர்ந்தெடுக்கின்றனர்.
ரயிலில் பயணிக்க நினைப்பவர்கள் முன்கூட்டியே அதற்கான பயணச்சீட்டை IRCTC ஆப் மூலமாகவோ அல்லது வெப்சைட் மூலமாகவே முன்பதிவு செய்யலாம். நேரடியாக ரயில் நிலையத்துக்குச் சென்று டிக்கெட் புக்கிங் செய்வதை விட ஆன்லைன் மூலமாக புக்கிங் செய்வது பயணிகளுக்கு எளிதாக உள்ளது. அதோடு, இந்த ஆப் மூலமாக எந்தெந்த ரயில்கள் ஓடுகின்றன; அதில் எவ்வளவு இருக்கைகள் உள்ளன; நேரம் போன்ற பல்வேறு தகவல்களை முன்கூட்டியே தெரிந்துகொண்டு முன்பதிவு செய்ய முடியும்.
ரயில்களில் முன்பதிவு செய்து பயணிப்பவர்கள் IRCTC விதிமுறைகள் பற்றி கட்டாயம் தெரிந்துகொள்ள வேண்டும். புதிய அப்டேட்கள் வந்தாலும் அதுபற்றி தெரிந்து வைத்துக் கொண்டால் எவ்வித சிரமமும் இல்லாமல் புக்கிங் செய்து பயணிக்கலாம். அப்படி, ஆன்லைன் மூலமாக டிக்கெட் புக்கிங் செய்பவர்களுக்கு முக்கிய அறிவிப்பை ரயில்வே நிர்வாகம் வெளியிட்டுள்ளது.
ரயில்களில் இப்போது புதிய பெட்டிகள் அறிமுகம் செய்யப்பட்டுள்ளன. மேலும் சில பெட்டிகள் அப்கிரேட் செய்யப்பட்டுள்ளன. விஸ்டடோம் கோச்கள் புதிதாக அறிமுகம் செய்யப்பட்டுள்ளன. இதற்கான புக்கிங் code பற்றி வாடிக்கையாளர்கள் தெரிந்துகொள்ள வேண்டியது அவசியமாகும். அதேபோல, ஏசி 3 டையர் எகமானி கோச் அறிமுகம் செய்யப்பட்டுள்ளது.
முன்பதிவுக்கான குறியீடுகள் விவரம்:
ரயில் பெட்டிகளுக்கான முன்பதிவில் பார்க்க வேண்டிய குறியீடுகள்( code) பின்வருமாறு:
V.S – Vistadome Non AC.
S.L- Sleeper.
C.C – AC Chair car.
3A – Third AC.
3E – AC Three Tier Economy.
2A – Second AC.
3A – Gareeb rath AC Three Tier.
CC – Gareeb rath Chaircar.
1A – First AC.
E.C – Executive Class.
E.A – Anubhuthi Class.
F.C – First Class.
E.V – Vistadome AC.
