உலகப் பொருளாதாரத்தில் தொழில்நுட்ப ஆதிக்கம் செலுத்தி வரும் வேளையில், இந்தியா தனது டிஜிட்டல் உள்கட்டமைப்பை அடுத்த நிலைக்குக் கொண்டு செல்லத் தயாராகிவிட்டது. அமெரிக்காவின் முன்னணி தொழில்நுட்ப நிறுவனங்கள் இந்தியாவில் இவ்வளவு பெரிய தொகையை முதலீடு செய்யத் துணிந்திருப்பது உலக நாடுகளின் கவனத்தை ஈர்த்துள்ளது.
நிறுவனங்களின் முதலீட்டு விவரங்கள்:
அமேசான்: அமேசான் நிறுவனம் 2030-ஆம் ஆண்டிற்குள் இந்தியாவில் 35 பில்லியன் டாலர் முதலீடு செய்யத் திட்டமிட்டுள்ளது. இதில் பெரும் பகுதி கிளவுட் உள்கட்டமைப்பு மற்றும் அமேசான் வெப் சர்வீசஸ் விரிவாக்கத்திற்காகப் பயன்படுத்தப்படும்.
மைக்ரோசாஃப்ட் : மைக்ரோசாஃப்ட் நிறுவனம் 17.5 பில்லியன் டாலர் முதலீட்டை அறிவித்துள்ளது. இது ஆசியாவிலேயே அந்த நிறுவனம் செய்யும் மிகப்பெரிய முதலீடாகும். குறிப்பாக ஹைதராபாத்தில் மிகப்பெரிய தரவு மைய மண்டலத்தை அமைக்கவுள்ளது.
கூகுள் : ஆந்திராவின் விசாகப்பட்டினத்தில் 15 பில்லியன் டாலர் மதிப்பில் பிரம்மாண்டமான ஏஐ டேட்டா மையத்தை கூகுள் உருவாக்கி வருகிறது.
அமெரிக்க நிறுவனங்கள் இந்தியாவைத் தேர்ந்தெடுக்க பல முக்கியமான காரணங்கள் உள்ளன:
அதிகப்படியான டேட்டா நுகர்வு : உலகிலேயே அதிக அளவிலான டேட்டாக்களைப் பயன்படுத்தும் நாடுகளில் இந்தியா முன்னணியில் உள்ளது. 140 கோடி மக்கள் தொகை கொண்ட இந்தியாவில், டிஜிட்டல் பரிவர்த்தனைகள் முதல் சமூக ஊடகங்கள் வரை அனைத்தும் மிகப்பெரிய அளவில் டேட்டாக்களை உருவாக்குகின்றன.
திறமையான மனித வளம் : ஏஐ மாடல்களை உருவாக்கவும், அவற்றை மேம்படுத்தவும் தேவையான மென்பொருள் பொறியாளர்கள் இந்தியாவில் அதிக அளவில் உள்ளனர். மைக்ரோசாஃப்ட் நிறுவனம் 2030-க்குள் 2 கோடி இந்தியர்களுக்கு ஏஐ திறன்களை வழங்கத் திட்டமிட்டுள்ளது.
டேட்டா இறையாண்மை : இந்திய அரசின் புதிய விதிகள், இந்தியர்களின் டேட்டாக்களை இந்தியாவிற்குள்ளேயே சேமிக்க வேண்டும் என்று வலியுறுத்துகின்றன. இதற்காகத் உள்நாட்டிலேயே டேட்டாமையங்களை உருவாக்க வேண்டிய அவசியம் இந்த நிறுவனங்களுக்கு ஏற்பட்டுள்ளது.
டிஜிட்டல் பொது உள்கட்டமைப்பு : ஆதார், யூபிஐ மற்றும் டிஜிலாக்கர் போன்ற இந்தியாவின் வெற்றிகரமான டிஜிட்டல் கட்டமைப்புகள், ஏஐ தொழில்நுட்பத்தை மக்களிடம் எளிதாகக் கொண்டு செல்ல உதவும் ஒரு வலுவான தளத்தை அமைத்துக் கொடுத்துள்ளன.
இந்த முதலீடுகள் வெறும் கட்டுமானங்கள் மட்டுமல்ல, அவை இந்தியாவின் எதிர்காலத்தை மாற்றியமைக்கும் வல்லமை கொண்டவை. டேட்டா மையங்கள் மற்றும் ஏஐ ஆய்வகங்கள் மூலம் பல்லாயிரக்கணக்கான உயர் தொழில்நுட்ப வேலைவாய்ப்புகள் உருவாகும்.
உள்ளூர் கிளவுட் மற்றும் ஏஐ வசதிகள் கிடைப்பதால், இந்திய ஸ்டார்ட்-அப் நிறுவனங்கள் குறைந்த செலவில் உலகத்தரம் வாய்ந்த தொழில்நுட்பங்களைப் பயன்படுத்த முடியும்.
வங்கி, சுகாதாரம் மற்றும் அரசுச் சேவைகளின் டேட்டாக்கள் பாதுகாப்பான உள்ளூர் மையங்களில் சேமிக்கப்படுவதால், நாட்டின் டிஜிட்டல் பாதுகாப்பு உறுதி செய்யப்படும்.
இவ்வளவு பெரிய முதலீடுகள் வந்தாலும், சில சவால்களை இந்தியா எதிர்கொள்ள வேண்டியிருக்கும். டேட்டா மையங்கள் இயங்கத் தடையற்ற மின்சாரமும், குளிரூட்டும் வசதிக்காக அதிகப்படியான நீரும் தேவைப்படுகின்றன. இவற்றைச் சுற்றுச்சூழல் பாதிக்காத வகையில் நிர்வகிப்பது சவாலானது. நிலம் கையகப்படுத்துதல் மற்றும் அரசு அனுமதிகள் பெறுவதில் ஏற்படும் காலதாமதத்தைத் தவிர்ப்பது அவசியம்.
அமெரிக்க நிறுவனங்களின் இந்த 67.5 பில்லியன் டாலர் முதலீடு, இந்தியாவை வெறும் ‘சர்வீஸ் வழங்கும் நாடாக’ மட்டும் பார்க்காமல், ஒரு ‘தொழில்நுட்ப வல்லரசாக’ உலகம் அங்கீகரிப்பதைக் காட்டுகிறது. இதன் மூலம் வரும் ஆண்டுக
