லண்டன் நகரமும், லண்டனும் ஒன்றல்ல

இங்கிலாந்து தலைநகருக்கு வரும் எவருக்கும் லண்டன் நகரமும், லண்டனும் ஒன்றல்ல என்பதைக் கேட்டு குழப்பம் ஏற்படலாம்.

அடிப்படையில், இரண்டு லண்டன்கள் உள்ளன: கிரேட்டர் லண்டன் மற்றும் லண்டன் நகரம், அதாவது அவை நகரம் அல்லது சதுர மைல் என்று அழைக்கப்படுகிறது. லண்டனுக்கும் லண்டன் நகரத்திற்கும் உள்ள வித்தியாசத்தைப் பற்றி கொஞ்சம் நாம் தெரிந்து கொள்வோம்.

சிட்டி ஆஃப் இலண்டன் மற்றும் கிரேட்டர் இலண்டன் இரண்டும் ஒன்றா எனில் – இரண்டும் ஒன்றல்ல. முன்னது, பின்னதுக்குள் இருக்கும் ஒரு குட்டி நகரம்.

ஆம் லண்டனின் ஒரு பகுதி. கி.பி 47 இல் பண்டைய ரோமானியர்களால் நிறுவப்பட்ட ஒரு சதுர மைல் மட்டுமே பரப்பளவுக் கொண்ட நகரத்தின் பகுதியை மட்டுமே உள்ளடக்கியது.

இந்த குட்டி நகரத்தை பாதுகாக்க ஒரு வலிமையான வேலியை கட்டமைத்து, தனக்கென லார்ட் மேயர், காவல்துறையைக் கொண்டுள்ளது; அதற்கான சட்டங்கள், கொடி மற்றும் சின்னம் ஆகியவற்றைக் கொண்டு சிறப்பு அந்தஸ்துடன் தனி ராஜாங்கமாக செயல்படுகிறது.

உண்மையாக பார்த்தால், இது லண்டன் அல்லது கிரேட்டர் லண்டனின் ஒரு பகுதியாக இல்லை – அதற்கு அதன் சொந்த நகராட்சி அதிகாரமும் அதன் சொந்த காவல் படையும் இருப்பதால். ஆனால் இது லண்டனின் ஒரு பகுதியாகவே கருதப்படுகிறது.

வசதி படைத்தவர்கள் மட்டுமே வாழக்கூடிய கூடாரமாக இன்றளவும் இருக்கிறது. ராஜ குடும்பத்தினர் இந்த பகுதியில் வாழ அனுமதிக்கப்படவில்லை. ஆகையால் அரச குடும்பம், இலண்டன் நகரில் தங்கள் சொந்த அரச “வெஸ்ட்மின்ஸ்டர் நகரம்” ஐ உருவாக்கினர்.

இன்றைய லண்டன் நகரம் கிரேட்டர் லண்டனின் மையத்தில் 1.1 சதுர மைல்கள் (2.9 சதுர கி.மீ) பரப்பளவைக் கொண்டுள்ளது. இதன் மக்கள் தொகை சுமார் 8,600 ஆகும். இங்கிலாந்தின் பல முக்கிய வங்கிகள், நிதி நிறுவனங்கள் மற்றும் லண்டன் பங்குச் சந்தையைக் கொண்டுள்ளது. வரலாற்று முக்கியத்துவம் மற்றும் பொருளாதாரப் பங்கின் அடிப்படையில் இது லண்டனின் மற்ற பகுதிகளிலிருந்து வேறுபட்டது.

அதே நேரத்தில் கிரேட்டர் லண்டன் ஐக்கிய இராச்சியத்தின் தலைநகரம் மட்டுமல்ல, மொத்தம் 607 சதுர மைல்கள் பரப்பளவைக் கொண்ட ஒரு மாவட்டமாகும், மேலும் 32 பெருநகரங்களையும், லண்டன் நகரத்தையும் உள்ளடக்கியது.

இங்கு சுமார் 8.8 மில்லியனுக்கும் அதிகமான மக்கள் வசிக்கின்றனர். லண்டன் அதன் கலாச்சார, நிதி மற்றும் அரசியல் முக்கியத்துவத்திற்காக அறியப்படுகிறது, இதில் பாராளுமன்ற வீடுகள், லண்டன் கோபுரம் மற்றும் பக்கிங்ஹாம் அரண்மனை போன்ற அடையாளங்கள் உள்ளன. இது பரந்த அளவிலான சுற்றுப்புறங்கள், ஈர்ப்புகள் மற்றும் நிறுவனங்களைக் கொண்ட ஒரு பன்முகத்தன்மை கொண்ட பெருநகரமாகும்.

மொத்தத்தில் இலண்டன் நகரம் என்பது பெரிய லண்டன் பகுதியின் வரலாற்று மற்றும் நிதி மையமாக செயல்படும் வரலாற்றுப் பகுதியாகும். சுருக்கமாக சொல்லவேண்டுமெனில் லண்டன் என்பது முழு பெருநகரப் பகுதியையும் உள்ளடக்கிய ஒரு பரந்த சொல், அதே நேரத்தில் லண்டன் நகரம் என்பது முதன்மையாக அதன் நிதி நடவடிக்கைகளுக்கு அறியப்பட்ட ஒரு சிறிய, வரலாற்று முக்கியத்துவம் வாய்ந்த பகுதி என சொல்லலாம்.

இங்கிலாந்திலிருந்து
சங்கர்