நாமக்கல்லில் வரும் 27ம் தேதி தவெக தலைவர் விஜய் பிரச்சாரம் செய்யும் இடம் உறுதியானது. தமிழக வெற்றிக் கழகத்தின் தலைவர் விஜய் தமிழகம் முழுவதும் சுற்றுப்பயணம் செய்து பிரச்சாரம் மேற்கொண்டு வருகிறார்.
வரும் 27ஆம் தேதி அவர் நாமக்கல்லில் பிரச்சாரம் செய்கிறார். அவரது பிரச்சாரத்திற்காக, தவெகவினர். நாமக்கல் பொய்யேரிக்கரை சாலையில் உள்ள மதுரை வீரன் கோயில், பார்க் ரோடு, சேலம் மெயின் ரோட்டில் கே.எஸ்.தியேட்டர் அருகில், என 3 இடங்களை தேர்வு செய்தனர்.
அதிலும் பொய்யேரிக்கரை சாலையில் உள்ள மதுரைவீரன் கோவில் அருகே இடத்தை உறுதி செய்ய வேண்டும் என தவெக மாவட்ட நிர்வாகிகள், காவல்துறையிடம் அனுமதி கேட்டிருந்தனர்.
இந்த நிலையில் கடந்த 24ம் தேதி, மாவட்ட காவல் கண்காணிப்பாளர் அலுவலகத்தில் தவெக மாவட்ட நிர்வாகிகளை அழைத்து எஸ்.பி விமலா ஆலோசனை நடத்தினார். அந்த ஆலோசனையில் மதுரை வீரன் கோயில் அருகே உள்ள இடத்திற்கு பதிலாக மாற்றும் இடமான சேலம் சாலையில் உள்ள பொன் நகர், 4 தியேட்டர் ஆகிய இரு இடங்களில் ஒன்றை தேர்வு செய்து கொள்ள அறிவித்தப்பட்டன.
ஆனால் தவெக நிர்வாகிகள் தலைமை நிர்வாகிகளிடம் பேசி விட்டு கூறுவதாக சென்று விட்டனர். இந்த நிலையில் இன்று நாமக்கல் வந்த தவெக பொதுச்செயலாளர் புஸ்லி ஆனந்த், நாமக்கல் ச.பே. புதூரில் உள்ள செல்வ விநாயகர் கோயிலில் கட்சி நிர்வாகிகளுடன் சாமி தரிசனம் செய்தார்.
இதனையடுத்து, நாமக்கல் சேலம் ரோட்டில் உள்ள பழைய ஆர்.டி.ஓ ஆபீஸ், பொய்யேரிக்கரையில் உள்ள மதுரைவீரன் கோயில் பகுதி, பார்க் ரோடு ஆகிய இடங்களை தவெக பொதுச்செயலாளர் புஸ்லி ஆனந்த் கட்சி நிர்வாகிகளுடன் பார்வையிட்டு ஆய்வு செய்தார்.
தொடர்ந்து அவர் மாவட்ட காவல் கண்காணிப்பாளர் அலுவலகத்திற்கு சென்று எஸ்.பி விமலாவை சந்தித்து 15 நிமிடம் ஆலோசனை நடத்தினார். இதனையடுத்து, ஆலோசனைக்கு பிறகு வெளியே வந்த தவெக பொதுச்செயலாளர் ஆனந்த் செய்தியாளர்களுக்கு பேட்டி அளித்தார்.
அப்போது, வரும் 27 ஆம் தேதி, சனிக்கிழமை தமிழக வெற்றி கழகத்தின் தலைவர் விஜய், நாமக்கல் சேலம் ரோட்டில், கே.எஸ் தியேட்டர் அருகே காலை 11 மணிக்கு பொதுமக்களை சந்தித்து பிரச்சாரம் செய்ய உள்ளார் என கூறினார்.
