நாமக்கல் :
நாமக்கல் கவிஞர் நினைவு இல்லத்தில் குடியரசு தினவிழா சிறப்பாக நடைபெற்றது.
நாமக்கல் கவிஞர் ராமலிங்கம் பிள்ளை நினைவு இல்லத்தில், நூலக வாசகர் வட்டம் மற்றும் நாமக்கல் கவிஞர் சிந்தனை பேரவை சார்பில் குடியரசு தின விழா நடைபெற்றது.
நூலக வாசகர் வட்டத் தலைவர் மோகன் விழாவுக்குத் தலை வகித்தார். ஆன்மிக இந்து சமய பேரவை தலைவர் ஏகாம்பரம், புரவலர்கள் ரவி, ராமசாமி ஆகியோர் முன்னிலை வகித்தனர். நூலகர் செல்வம் அனைவரையும் வரவேற்றார். நாமக்கல் ஜேசீஸ் சங்க தலைவர் ராமகிருஷ்ணன் தேசியக்கொடியை ஏற்றி வைத்தார். முன்னாள் டிஇஓ உதயகுமார் சிறப்பு விருந்தினராக கலந்துகொண்டு பாருக்குள்ளே நல்ல நாடு என்ற தலைப்பில் பேசினார்.
குடியரசு தின விழாவை முன்னிட்டு நாமக்கல் நம்மாழ்வார் நடுநிலைப் பள்ளியில் நடைபெற்ற பேச்சுப்போட்டி, கட்டுரைப் போட்டி, ஓவியப் போட்டியில் வெற்றிபெற்ற மாணவர்களுக்கு பரிசுகளும் சான்றிதழ்களும் வழங்கப்பட்டன. நூலகப் புரவலர்கள் கந்தசாமி, ஜவகர், முருகன், ஓய்வு பெற்ற ராணுவ அதிகாரி சுப்பிரமணி, ரவி, கருப்பண்ணன் உள்ளிட்ட பலர் கலந்துகொண்டனர். முடிவில் நாமக்கல் கவிஞர் சிந்தனை பேரவை துணைத் தலைவர் கண்ணன் நன்றி கூறினார்.
