தமிழக தகவல் தொழில்நுட்பவியல் மற்றும் டிஜிட்டல் சேவைகள் துறை அமைச்சர் முனைவர் பழனிவேல் தியாகராஜன் , மதுரை மாவட்டம், மதுரை மாநகராட்சி மண்டலம் 3 பெரியார் பேருந்து நிலைய வளாகத்தில் உள்ள சுற்றுலா அரங்கில் நடைபெற்ற உங்களுடன் ஸ்டாலின் திட்ட முகாமினை தொடங்கி வைத்து , துறை சார்ந்த அரங்குகளில் மனுக்கள் பதிவு செய்வதை பார்வையிட்டு, மனுதாரர்களுடன் கலந்துரையாடினார்.
மதுரை மாவட்ட ஆட்சியர் கே.ஜே.பிரவீன் குமார், மேயர் இந்திராணி பொன்வசந்த் , மாநகராட்சி ஆணையர் சித்ரா விஜயன், ஆகியோர் உடன் இருந்தனர்
மதுரை மாவட்டத்தில், கடந்த 15.07.2025 முதல் 30.07.2025 வரை நகரப் பகுதியில் 22 முகாம்களும் ஊரகப் பகுதிகளில் 43 முகாம்களும் என மொத்தம் 65 முகாம்கள் நடத்தப்பட்டு, கலைஞர் மகளிர் உரிமைத் தொகை பெற 32,055 மனுக்களும், பிற சேவைகளைப் பெற 27,373 மனுக்களும் என, மொத்தம் 59,428 கோரிக்கை மனுக்கள் பொதுமக்களிடமிருந்து பெறப்பட்டுள்ளன.
