மோகனூரில் ஓய்வுபெற்ற சத்துணவு பணியாளர் வீட்டில் பீரோவை உடைத்து 18 கிராம் தங்க நகை கொள்ளையடிக்கப்பட்டது.
மோகனூர் முதலியார் தெருவை சேர்ந்தவர் சரஸ்வதி (62). ஓய்வு பெற்ற சத்துணவு பணியாளர். இவர், கடந்த 18ம் தேதி, மதியம் 1 மணிக்கு, வீட்டை பூட்டிவிட்டு, ராசிபாளையத்தில் உள்ள தனது பேத்தி வீட்டிற்கு சென்றுவிட்டார்.
தொடர்ந்து, மாலை 5 மணிக்கு, வீடு திரும்பி உள்ளார். அப்போது, வீட்டின் பூட்டு உடைக்கப்பட்டிருப்பதை கண்டு திடுக்கிட்டார். உள்ளே சென்று பார்த்தபோது, பீரோவில் வைக்கப்பட்டிருந்த, 8 கிராம் தங்க காசு, 6 கிராம் தோடு, 2 கிராமில் 2 மோதிரம், என மொத்தம் 18 கிராம் எடையுள்ள தங்க நகைகள் மற்றும் ரூ. 2,000 ரொக்கம் திருடப்பட்டிருப்பதை பார்த்து அதிர்ச்சி அடைந்தார்.
இது குறித்து, புகாரின் பேரில் மோகனூர் போலீசார் வழக்குப்பதிவு செய்து விசாரணை நடத்தி வருகின்றனர்.
