நாமக்கல் ஐயப்பசுவாமி கோயில் 60ம் ஆண்டு விழா வருகிற 5ம் தேதி துவங்கி 14ம் தேதி வரை நடைபெறுகிறது.
நாமக்கல் மோகனூர் ரோட்டில், பிரசித்திபெற்ற ஐயப்பசுவாமி திருக்கோயில் அமைந்துள்ளது. இந்த கோயிலில் 60ம் ஆண்டு விழா வருகிற 5ம் தேதி வெள்ளிக்கிழமை துவங்குகிறது.
அன்று காலை 10 மணிக்கு திரளான பக்தர்கள் ஐயப்பன் கோயிலில் இருந்து பால் குடும் எடுத்துக்கொண்டு ஊர்வலமாகச் சென்று, நாமக்கல் பலபட்டரை மாரியம்மன் கோயிலை அடைவார்கள். அங்கு மாரியம்மனுக்கு பாலபிசேகம் மற்றும் சிறப்பு பூஜைகள் நடைபெறும்
7ம் தேதி காலை 7.30 மணிக்கு, பக்தர்கள் நாமக்கல் ஐயப்பன் கோயிலில் இருந்து பால் குடம் எடுத்து, பாத யாத்திரையாகச் சென்று, கூலிப்பட்டி பழனியாண்டவர் சுவாமிக்கு பாலபிசேகம் மற்றும் சிறப்பு பூஜைகள் நடைபெறும். கிருத்திகை சங்க கட்டிடத்தில் பக்தர்களுக்கு அன்னதானம் நடைபெறும்.
வரும் 10ம் தேதி புதன்கிழமை, காலை 9 மணிக்கு ஐயப்பனுக்கு சிறப்பு பூஜைகள் நடைபெற்று, லட்சார்ச்சனை துவங்கும். இரவு 7 மணிக்கு ஐயப்ப பக்தர்களின் இன்னிசை பக்திப் பாடல் நிகழழ்ச்சி நடைபெறும்.
11ம் தேதி காலை 9 மணிக்கு லட்சார்ச்சனை தொடர்ந்து நடைபெறும். இரவு 7 மணிக்கு காரை சேனா குழுவினருடன் சூப்பர் சிங்கர் டைட்டில் வின்னர் அருணா மற்றும் ஜனகன் கலந்துகொள்ளும், இசை கல்லூரி மாணவர்களின் பக்தி இன்னிசை நடைபெறும்.
12ம் தேதி வெள்ளிக்கிழமை லட்சார்ச்சணை நிறைவு பெற்று பூஜைகள் நடைபெறும். மாலை 5.30 மணிக்கு துர்க்கை அம்மனுக்கு சகஸ்ர நாம அர்ச்சனை நடைபெறும். இரவு 7 மணிக்கு கவிதா வேணுகோபாலின் ஆன்மீக சொற்பொழிவு நடைபெறும்.
13ம் தேதி சனிக்கிழமை காலை 7.45 முதல் பகல் 1 மணி வரை ஐயப்பன் கோயிலில் 108 வலம்புரி சங்காபிஷேகம், மகா அபிசேகம் மற்றும் மகா தீபாராதனை நடைபெற்று பக்தர்களுக்கு பிரசாம் வழங்கப்படும். மாலை 5 மணிக்கு மின் விளக்குகளால் அலங்கரிக்கப்பட்ட புஷ்ப ரதத்தில் நகரின் முக்கிய வீதிகளின் வழியாக ஐயப்பன் சுவாமி திரு வீதி உலா நடைபெறும்.
14ம் தேதி பகல் 11 மணிக்கு, நாமக்கல் கந்தசாமி கண்டர் பள்ளி வளாகத்தில் மகா அன்னதானம் நடைபெறும். டிச. 27ம் தேதி சனிக்கிழமை காலை 7 மணி முதல் 11 மணிவரை, பக்தர்கள் கொண்டு வரும் பசு நெய் மூலம் ஐயப்பனுக்கு நெய்யபிஷேகம் நடைபெறும்.
தொடர்ந்து மகா அபிஷேகம், சிறப்பு அலங்காரம் மற்றும் மகா தீõபாரதனை நடைபெறும். விழாவுக்கான ஏற்பாடுகளை கோயில் அறங்காவலர்கள் மற்றும் ஐயப்ப சுவாமி அறக்கட்டளை உறுப்பினர்கள் செய்துள்ளனர்.
