மதுரையிலுள்ள ஐடி நிறுவனத்தில் நான்காவது மாடியில் இருந்து தவறி விழுந்த ஐடி நிறுவன ஊழியர் உயிரிழந்தார்.
இராமநாதபுரம் மாவட்டம், உப்பூர் சத்திரத்தை சேர்ந்த மார்கண்டன் மகன் தினேஷ்(30). இவர் மதுரை மாட்டுத் தாவணி அருகே பாண்டி கோவில் சாலையில் உள்ள ஐ.டி. நிறுவனத்தில் பணிபுரிந்து வந்தார்.
இவர் நான்காவது மாடியில் இருந்தபோது கால் தவறி கீழே விழுந்தார். இதில் பலமாக அடிபட்டு சம்பவ இடத்திலேயே உயிரிழந்தார். இது குறித்து அவருடைய அண்ணன் விக்னேஷ் அளித்த புகாரின் பேரில் மாட்டுத்தாவணி போலீசார் வழக்கு பதிவு செய்து தினேஷின் மரணத்துக்கான காரணம் குறித்து விசாரணை நடத்தி வருகின்றனர்.
