தேசிய சட்டப்பணிகள் ஆணைக்குழு மற்றும் தமிழ்நாடு மாநில சட்டப்பணிகள் ஆணைக்குழுவின் வழிகாட்டுதலின் படி, சனிக்கிழமை (12.11.2022) புதுக்கோட்டை மாவட்ட சட்டப்பணிகள் ஆணைக்குழுவில் மக்கள் நீதிமன்றம் (லோக் அதாலத் ) நடைபெற்றது.
மக்கள் நீதிமன்றத்துக்கு மாவட்ட நீதிபதி ஏ. அப்துல்காதர் தலைமை வகித்து, விசாரணையை தொடக்கி வைத்தார்.
இதிவ், வாகன விபத்தில் பாதிக்கப்பட்ட மனுதாரரின் குடும்பத்திற்கு, ஸ்ரீ ராம் ஜெனரல் இன்சூரன்ஸ் கம்பெனி மூலம், இழப்பீட்டு தொகையாக ரூ.70,00,000/- (ரூபாய் எழுபது இலட்சம்) லோக் அதலாத் மூலம் சமரசமாக பேசிமுடிக்கப் பட்டு, அதற்கான உத்தரவை முதன்மை மாவட்ட நீதிபதி வழங்கினார்.
மேலும், அத்தியாவசிய பண்டங்கள் மற்றும் போதை பொருள் தடுப்பு கூடுதல் மாவட்ட நீதிபதி பாபுலால், மாவட்ட சட்டபணிகள் ஆணைக்குழு செயலாளர்(பொ)/முதன்மை சார்பு நீதிபதி சி.சசிக்குமார் , குற்றவியல் நீதித்துறை நடுவர் எண்-1 ஜெயந்தி, குற்றவியல் நீதித்துறை நடுவர் எண்-2 ஸ்ரீநாத், கூடுதல் மகிளா நீதிமன்ற நடுவர் ரேவதி, மாவட்ட உரிமையியல் நீதிமன்ற நீதிபதி பூர்ணிமா ஆகிய நீதிபதிகள் கொண்ட மூன்று அமர்வுகள்.
தாலுகா நீதிமன்றங்களில் ஐந்து அமர்வுகள் என மொத்தம் 8 அமர்வுகளில் நீதிமன்ற நிலுவையில் உள்ள உரிமையியல், குற்றவியல், வாகன விபத்து இழப்பீடு, செக்மோசடி மற்றும் வங்கி வராக் கடன் உள்ளிட்ட பல்வேறு வழக்குகள் என மொத்தம் 921 – வழக்குகளுக்கு தீர்வு காணப்பட்டு சுமார் ரூ. 8,78,11,125 – தொகைக்கான சமரசம் செய்யப்பட்டு வழக்குகள் முடித்து வைக்கப்பட்டன.
