புதுக்கோட்டை கீழ 4 ம் வீதி வடபுறம் அமைந்துள்ள ஸ்ரீ முத்துமாரியம்மன் கோயிலில் நாளை நடைபெறும் மகா கும்பாபிஷேக விழாவை முன்னிட்டு யாகசாலை பூஜைகள் தொடங்கி நடைபெற்று வருகின்றன.
புதுக்கோட்டையில் இந்து சமய நிலையதுறைக்குட்பட்ட கீழ 4 -ஆம் வீதி வடபுறம் அமைந்துள்ள ஸ்ரீ முத்துமாரியம்மன் திருக்கோவில் மகா கும்பாபிஷேக விழா 04.09.2023 திங்கள்கிழமை காலை 10 மணி அளவில் விமரிசையாக நடைபெற உள்ளது.
கும்பாபிஷேத்தை முன்னிட்டு அமைக்கப்பட்ட யாக சாலையில் விக்னேஷ்வர பூஜை ஸ்ரீ மகா கணபதி ஹோமம், நவகிரக ஹோமம், லட்சுமிபூஜை ,கோ பூஜை மற்றும் வாஸ்து சாந்தியுடன் முதற்கால யாக பூஜை நடைபெற்றது.
தொடர்ந்து இரண்டாம் கால யாகபூஜை மூன்றாம் கால யாகபூஜை கோபுர கலச ஸ்தானம் வேதாபரணம் பூர்ணாஹூதி, மஹா தீபாரதனை நடைபெற்றது.
யாகசாலை பூஜைகள் கிருஷ்ணமூர்த்தி என்ற கிட்டுக் குருக்கள் மற்றும் சுவாமிநாதகுருக்கள் [என்ற} ரவி குருக்கள் தலைமையில் நடைபெற்று வருகிறது.
யாகசாலை பூஜையில் திரளான பக்தர்கள் கலந்து கொண்டனர் கும்பாபிஷேக நாளான திங்கள்கிழமை(செப்.4) இரவு இயக்குனர் நடிகர் பாக்யராஜ் தலைமையில் சிறப்பு பட்டிமன்றமும் நடைபெறுகிறது. விழா ஏற்பாடுகளை கும்பாபிஷேக திருப்பணி குழுவினர் மற்றும் விழாக்குழுவினர் செய்து வருகின்றனர்.
