புதுக்கோட்டை மாவட்டம். திருமயம் வட்டம், இளஞ்சாவூர் அருள்மிகு முத்துமாரியம்மன் திருக்கோயில் பங்குனிப் பெருந்திருவிழா மார்ச் 5 -ல் பூச்சொரிதல் விழாவுடன் தொடங்குகிறது.
உலகாளும் உமையவளாம்-தேவி நின் வடிவிலே காவலாய் நின்றவளாம் உயிர்கள் அனைத்தும் அன்புடன் ஆள்பவளாம் கை கூப்பி தொழுதிடும் பக்தரை சைகை செய்து சஞ்சலம் தீர்ப்பவளாம் – ஆற்றலின் வடிவெடுத்து நமது அன்னை அவள் அமர்ந்து அருள் பாலிக்கும் திருத்தலமாம். பக்தர்களின் நெஞ்சங்களிலே அசையா இடம் பெற்று வான்புகழ் ஓங்கி நிற்கும் இளஞ்சாவூர் முத்துமாரியம்மன் அருளால் கடந்த பல ஆண்டுகளாக ஒருமைப்பாட்டு உணர்வோடும், பொதுமக்கள் , சான்றோர்களின் ஒத்துழைப்புடன், 12 நாட்கள் மிகவும் சிறப்பாக திருவிழா நடைபெற்று வருகிறது.
அதன்படி, நிகழ் ஆண்டில் மாசி 22-ம் நாள் (05.03.2024) செவ்வாய்க்கிழமை பூச்சொரிதல் விழாவுடன் தொடங்கி, மாசி 28-ஆம் நாள் (11.03.2024) திங்கள்கிழமை காப்புக்கட்டுதல் விழாவும், பங்குனி 6-ம் நாள் (19.03.2024) செவ்வாய்க்கிழமை பொங்கல், தேர்த்திருவிழாவும் சிறப்பாக நடைபெறவுள்ளது.
திருவிழா மற்றும் மண்டகப்படி விவரங்கள்:
05.03.2024 – செவ்வாய்க்கிழமை பூச்சொரிதல் விழா.
11.03.2024 -திங்கள்கிழமை -முதல்நாள் திருவிழா- இளஞ்சாவூர் ஊரார்கள் மண்டகப்படி.
12.03.2024 – செவ்வாய்கிழமை-இரண்டாம் நாள் திருவிழா- நகரத்தார்கள் மண்டகப்படி
13.03.2024– புதன்கிழமை -மூன்றாம்நாள் திருவிழா- தாசாங்க உறவின் முறையாளர்கள் மண்டகப்படி
14.03.2024– வியாழக்கிழமை- நான்காம்நாள் திருவிழா-கானாடு 108 கிராம முத்தரையர்கள் சமுதாய மண்டகப்படி.
15.03.2024-வெள்ளிக்கிழமை -ஐந்தாம்நாள் திருவிழா-தாமரைவயல் ஆயக்கட்டுதாரர்கள் மண்டகப்படி
16.03.2024 -சனிக்கிழமை-ஆறாம்நாள் திருவிழா-கானாடு 108 கிராம ஆதிதிராவிடர்கள் மண்டகப்படி.
17.03.2024 -ஞாயிற்றுக்கிழமை-ஏழாம்நாள் திருவிழா-ஏனப்பட்டி ஊரார்கள் மண்டகப்படி.
18.03.2024 -திங்கள்கிழமை-எட்டாம்நாள் திருவிழா-கானாடு 108 கிராம தேவேந்திரர்கள் மண்டகப்படி.
19.03.2024 –செவ்வாய்க்கிழமை-ஒன்பதாம்நாள் திருவிழா -(பொங்கல், தேர்த்திருவிழா)-திருக்கோயில் மண்டகப்படி.
20.03.2024 – புதன்கிழமை /பத்தாம்நாள் திருவிழா (சப்தார்ணம்)-முக்குலத்தோர் மண்டகப்படி.
21.03.2024 – வியாழக்கிழமை – காப்பு நிறைவு.
19.03.2024 செவ்வாய்க்கிழமை மாலை 5.00 மணிக்கு அருள்மிகு முத்துமாரியம் மனுக்கு கரகம் எடுத்து, குடத்து விளிம்பில் கூரிய கத்தி நிற்பது இளஞ்சாவூர் முத்துமாரியம்மன் சக்தியாகும்.
