கள்ளக்குறிச்சி பெருமாள் கோவிலில் திரைப்பட இயக்குனர் முருகதாஸ் நேற்று சாமி தரிசனம் செய்தார்.
தென்னிந்தியத் திரைப்பட இயக்குனரான ஏ.ஆர்.முருகதாஸ் கள்ளக்குறிச்சியில் பிறந்தவர்.
தமிழ் சினிமா துறையில் ஏற்பட்ட ஆர்வத்தால் இயக்குனர், கதையாசிரியராக இருந்து தற்போது தயாரிப்பாளராக வலம் வருகிறார்.
இவர் பூச்சுடவா என்ற தமிழ்ப் படத்தில் நடித்து எஸ்.ஜே.சூர்யாவுடன் இணைந்து குஷி போன்ற படங்களில் உதவி இயக்குநராகவும் பணியாற்றியுள்ளார்.
தற்போது அவர் பிறந்த ஊரான கள்ளக்குறிச்சியில் அமைந்துள்ள ஸ்ரீ தில்லை கோவிந்தராஜ பெருமாள் திருக்கோவிலில் பவித்ர உற்சவம் நடைபெற்று வருகிறது.
இந்நிலையில் பவித்ர உற்சவம் நிகழ்வில் இயக்குனர் ஏ.ஆர். முருகதாஸ் தனது குடும்பத்தினருடன் சாமி தரிசனம் செய்தார். அவருக்கு கோவில் நிர்வாகம் சார்பில் உரிய மரியாதை வழங்கினர்.
