புதுக்கோட்டை அருள்மிகு வேதநாயகி அம்பிகை உடனுறை சாந்தநாதசுவாமி திருக்கோயிலில் ஆருத்ரா தரிசனம் நடைபெற்றது.
புதுக்கோட்டை அருள்மிகு வேதநாயகி அம்பிகை உடனுறை சாந்தநாதசுவாமி திருக்கோயிலில் ஆருத்ரா தரிசனம் விழா விமரிசையாக நடைபெற்றது.
ஆருத்ர தரிசன விழாவை முன்னிட்டு அதிகாலை 4.30 மணிக்கு கோவிலில் திருப்பள்ளி எழுச்சி நடைபெற்றது.
பின்பு காலை 5 மணிக்கு ஆலயத்தின் அலங்கார மண்டபத்தில் உற்சவர் நடராஜர் மற்றும் சிவகாமி அம்பாள் எழுந்தருளி பால், திருமஞ்சனம், தயிர், மஞ்சள், பஞ்சாமிர்தம் உள்ளிட்ட 16 வகையான திரவியங்களால் அபிஷேகம் நடைபெற்றது.
அதன் பின் மூலவர் ஆடல் வல்லான் நடராஜருக்கு மகா தீபாராதனை காண்பிக்கப்பட்டது. அதனை தொடர்ந்து மாணிக்கவாசகருக்கு அங்கி மற்றும் மாலைகள் அணிவிக் கப்பட்டு பூஜைகளும், தீபாராதனையும் நடைபெற்றது. அப்போது மாணிக்கவாசகர் 108 திருவாசகம் ஓதுவாரால் பாடப்பட்டது.
உற்சவர் நடராஜர் மற்றும் சிவகாமி அம்பாளுக்கு அலங்காரம் நடைபெற்று பன்முக தீபாராதனை, சோடஷ தீபாராதனை, பஞ்சமுக தீபாராதனை நடைபெற்றது.
தொடர்ந்து மாணிக்க வாசகருக்கும் தீபாராதனை நடைபெற்றது. சிறப்பு அலங்காரத்தில் நடராஜர் உடனுறை சிவகாமி அம்பாள் மற்றும் மாணிக்க வாசகர் புறப்பாடு திருவீதி உலாநடைபெற்றது .கீழ ராஜ வீதி தெற்குராஜவீதி மேலராஜவீதி வடக்குராஜவீதி பிருந்தாவனம் வழியாக மீண்டும் கோவிலை வந்தடைந்தது.
இவ்விழாவில் பல்வேறு முக்கிய பிரமுகர்கள், சிவபக்தர்கள் உள்ளிட்டோர் கலந்து கொண்டு சுவாமி தரிசனம் செய்தனர். ஏற்பாடுகளை கோவில் நிர்வாகிகள் குருக்கள் செய்தனர் அனைவருக்கும் பிரசாதங்கள் வழங்கப்பட்டன.
ஆலயத்தில் வேதநாயகி அம்பிகை சாந்தநாத சுவாமி சந்தனக்காப்பு அலங்காரத்தில் பக்தர்களுக்கு அருள் பாலித்தனர். இதில் ஏராளமான பக்தர்கள் விழாவில் பங்கேற்று சுவாமி தரிசனம் செய்தனர்.
