நடிகர் விஜய் தமிழகத்தில் எந்த தொகுதியில் நின்றாலும் அங்கு திமுக தான் வெல்லும்: உத்திரமேரூர் எம்எல்ஏ சுந்தர்

தவெக தலைவர் நடிகர் விஜய் தமிழகத்திலுள்ள 234 சட்ட மன்ற தொகுதிகளில் எங்கு நின்றாலும் அங்கு திமுக தான் வெல்லும் என உத்திரமேரூர் சட்டமன்ற உறுப்பினர் சுந்தர் கூறினார்

இன்று மறைந்த தமிழக முன்னாள் முதலமைச்சர் கருணாநிதி அவர்களின் 102 வது பிறந்தநாள் விழாவினை, தமிழகம் முழுவதும் உள்ள திமுகவினர் கேக் வெட்டி நலத்திட்ட உதவிகள் வழங்கி விமர்சையாக செம்மொழி நாளாக கொண்டாட திமுக தலைவரும், தமிழக முதலமைச்சருமான ஸ்டாலின் அறிவுறுத்தினார்.

அந்த வகையில், காஞ்சிபுரம் தெற்கு மாவட்ட திமுக சார்பில் காஞ்சிபுரத்தில் உள்ள பவள விழா மாளிகையில், காஞ்சிபுரத்தில் உள்ள தமிழ் அறிஞர்கள் கெளரவிப்பு விழா நடைபெற்றது.

இதில் காஞ்சி தெற்கு மாவட்ட செயலாளரும், உத்திரமேரூர் எம்.எல்.ஏவுமான சுந்தர், காஞ்சிபுரம் எம்.எல்.ஏ எழிலரசன், காஞ்சிபுரம் எம்.பி. சிறுவேடல் செல்வம், காஞ்சிபுரம் மாநகராட்சி மேயர் மகாலட்சுமி உள்ளிட்டோர் பங்கேற்று தமிழ் அறிஞர்களுக்கு சால்வை அணிவித்து கெளரவித்தனர்.

முன்னதாக காஞ்சிபுரம் மாநகரத்திலுள்ள கச்சபேஸ்வரர் கோவில் அருகே, காந்தி சாலையில் உள்ள பெரியார் தூண் அருகே என பல்வேறு இடங்களில் பொதுமக்களுக்கு நலத்திட்ட உதவிகளும், அன்னதானமும் வழங்கி முன்னாள் முதலமைச்சர் கலைஞர் பிறந்த நாளை திமுகவினர் உற்சாகமாக கொண்டாடினர்.

இந்நிலையில் செய்தியாளர்களை சந்தித்த உத்திரமேரூர் சட்டமன்ற உறுப்பினர் சுந்தர் பேசுகையில், பேரறிஞர் அண்ணா பிறந்த மண்ணான காஞ்சிபுரத்தில் தவெக தலைவர் நடிகர் விஜய் சட்டமன்றத் தேர்தலில் போட்டியிட போவதாக பரவலாக பேசப்படுவது குறித்து செய்தியாளர்கள் எழுப்பிய கேள்விக்கு அவர் பதிலளிக்கையில்,

காஞ்சிபுரம் மாவட்டத்தில் உள்ள நான்கு சட்டமன்ற தொகுதிகள் மட்டுமல்லாமல் தமிழக முழுவதும் உள்ள 234 சட்டமன்ற தொகுதிகளில் தவெக தலைவர் நடிகர் விஜய் எங்கு நின்றாலும் அங்கு திமுக தான் வெற்றி பெறும் என கூறினார்