தென்காசி மாவட்டம் கடையநல்லூரில் இந்திய யூனியன் முஸ்லிம் லீக் தேசிய தலைவர் காதர் மொகிதீன் செய்தியாளர்களுக்கு பேட்டி அளித்தார் அப்போது அவர் கூறியதாவது:-
இஸ்ரேல் ஈரானுக்கும் இடையே தற்போது நடக்கும் போரானது காசாவில் இஸ்ரேலை சார்ந்த பிடித்து வைக்கப்பட்டுள்ள 350 பிணைக்கதிகளில் 150 கைதிகளை ஒப்படைத்த நிலையில் மீதமுள்ள கைதிகளையும் மீட்பதற்காகவே இந்த போரை நடத்தி வருகிறது எனவே இந்த போரானது இப்போதைக்கு முடியுமா என்பதை சொல்ல முடியாது, தொடரும் எனவே கருதுகிறோம் என்றார்,
மேலும் அவரிடம் 2026 சட்டமன்றத் தேர்தலில் தங்களின் நிலைப்பாடு என்ன என்பது குறித்த கேள்விக்கு, இந்தியாவில் உள்ள அனைத்து முஸ்லிம்களுக்கான அமைப்புகளும் 1889 ஆம் ஆண்டு மும்பையில் நடந்த கூட்டத்தில் எடுக்கப்பட்ட தீர்மானத்தின் போது எந்தத் தேர்தலிலும் முஸ்லிம்கள் பாரதிய ஜனதா கட்சிக்கு ஓட்டு போடக்கூடாது என தீர்மானம் எடுக்கப்பட்டது. அதன்படி தான் இந்தியாவில் உள்ள அனைத்து முஸ்லிம்களும் நடந்து வருகிறோம் எனவே ஒருபோதும் முஸ்லிம்களின் ஒரு ஓட்டு கூட பாஜகவுக்கு போகாது.
மேலும் எங்களது ஒன்றே குலம் ஒருவனே தேவன் உள்ளிட்ட அனைத்து சித்தாந்தங்களின்படி திமுக கொள்கை அமைந்துள்ளதால் திமுகவுடன் நாங்கள் இணைந்து பணியாற்றுகிறோம். அவர்களும் எங்களுக்கானதை செய்து கொடுப்பதால் மேலும் தேவையானதை கேட்டுப் பெறுவோமே தவிர நிபந்தனை படுத்த மாட்டோம் என்று கூறினார்.
அதேபோல் தமிழகத்தில் மட்டும் 8000 ஜமாத் உள்ளது. அதனை ஒவ்வொரு மூன்று ஆண்டுகளுக்கும் ஒரு முறை நாங்கள் ஒருங்கிணைத்து ஆலோசனைகள் செய்வோம். அதன்படியும் தமிழகத்தில் உள்ள முஸ்லிம்கள் ஒருபோதும் பாஜகவுக்கு அல்லது அவர்களுடன் கூட்டணி உள்ளவர்களுக்கோ ஓட்டு போட மாட்டோம் என்பதிலும் நாங்கள் தெளிவாக இருக்கிறோம். இது அனைத்து முஸ்லிம்களுக்கும் தெரியும் என்றும் கூறினார்.
2026 தேர்தலில் திமுக கூட்டணியில் அதிக இடங்களை கேட்பீர்களா? என்ற கேள்விக்கு அவர் பதில் அளிக்கையில் ஒரு எம்பி தொகுதிக்கு மூன்று சட்டமன்ற தொகுதி தருவதாக அவர்கள் இதுவரை வந்திருக்கிறார்கள். இந்த முறை பல கட்சிகள் அவர்களிடம் கோரிக்கை விடுத்துள்ளபடி அதிகப்படுத்தி கொடுத்தால் எங்களுக்கும் சில இடங்கள் கூடுதலாக கிடைக்கும் என்று கூறினார்.
