திருவண்ணாமலை கிரிவல பாதையில் காஞ்சி சாலையில் நிறுவப்பட்டுள்ள மாவீரன் அழகுமுத்துக்கோன் திருவுருவ சிலை அருகில் சுதந்திர போராட்ட வீரர் மாவீரன் அழகுமுத்துக்கோன் பிறந்தநாள் விழா மற்றும் 268 வது குருபூஜைவிழா யாதவ சங்கம் மற்றும் பல்வேறு கட்சிகள் சார்பில் கொண்டாடப்பட்டது.
மாவட்ட திமுக
திருவண்ணாமலை தெற்கு மாவட்ட திமுக சார்பில் சட்டப்பேரவை துணை சபாநாயகர் கு.பிச்சாண்டி, மாநில மருத்துவர் அணி துணைத் தலைவர் டாக்டர் எ.வ.வே. கம்பன், மாலை அணிவித்து மரியாதை செய்தனர்.
இதனைத் தொடர்ந்து கிரிவலப் பாதையில் உள்ள ஆன்மீக பக்தர்களுக்கு அன்னதானத்தையும் வழங்கினார் .
இதில் நாடாளுமன்ற உறுப்பினர் எம். எஸ்.தரணிவேந்தன் , மாநகர செயலாளர் ப.கார்த்திவேல்மாறன், மாவட்ட பொருளாளர் பன்னீர்செல்வம், மாவட்ட துணை செயலாளர் பிரியா விஜயரங்கன், மாநகராட்சி பகுதி பொறுப்பாளர் விஜயராஜ் உள்ளிட்ட ஏராளமான கழக நி ர்வாகிகள் கலந்து கொண்டனர்.
அதிமுக
இதனை தொடர்ந்து அதிமுக சார்பில் முன்னாள் அமைச்சர்கள் அக்ரி எஸ். எஸ்.கிருஷ்ணமூர்த்தி எம்எல்ஏ எஸ்.ராமச்சந்திரன் மற்றும் மாநகராட்சி உறுப்பினர்கள், நிர்வாகிகள் மாலை அணிவித்து மரியாதை செலுத்தினர்.
பாஜக
பாஜக சார்பில் தெற்கு மாவட்டதலைவர் கே.ரமேஷ், பாஜக மாநில ஆன்மீக பிரிவு துணைத் தலைவர் வழக்கறிஞர் சங்கர், மாவட்ட துணைத் தலைவர் தீபா, மற்றும் பாஜக நிர்வாகிகள் மாலை அணிவித்து மரியாதை செலுத்தினர்.
இதனைத் தொடர்ந்து மதிமுக சார்பில் மாவட்ட செயலாளர் சீனி.கார்த்திகேயன் , பாமக சார்பில் தெற்கு மாவட்ட செயலாளர் ஏந்தல் பெ.பக்தவச்சலம், தேமுதிக சார்பில் மாநில பட்டதாரி அணி துணை செயலாளர் பேராசிரியர் அ.ஏழுமலை தலைமையில் மாவட்ட வழக்கறிஞர் அணி செயலாளர் ஏ.காளிங்கன்,
அம்மா மக்கள் முன்னேற்ற கழகம் சார்பில் புதுப்பாளையம் கிழக்கு ஒன்றிய செயலாளர் கே.எஸ். மாதவன் தலைமையில் வழக்கறிஞர் எம்.சிவக்குமார், மாநகர செயலாளர் எஸ். ராஜசேகர், நிர்வாகிகள் மாலை அணிவித்து மரியாதை செலுத்தினர்
முன்னதாக திருவண்ணாமலை அண்ணாசிலை அருகிலிருந்து யாதவ சங்கம் சார்பில் தலைவர் எடத்தெரு மின்னல் கமல் தலைமையில் 1000க்கும் மேற்பட்ட யாதவ இளைஞர்கள் பேரணியாக வந்து கிரிவல பாதையில் அபாய மண்டபம் அருகே காஞ்சி சாலையில் அமைந்துள்ள வீரர் மாவீரன் அழகுமுத்துக்கோன் திருவுருவ சிலைக்கு மாலை அணிவித்து மரியாதை செலுத்தப்பட்டது.
