இந்திய பள்ளி விளையாட்டு குழுமம் 2025-2026ஆம் கல்வி ஆண்டுக்கான தென் மண்டல ஹாக்கி தெரிவுப்போட்டி நடத்தியது.
இதில் மதுரை, தேனி, திண்டுக்கல், சிவகங்கை, விருது நகர், ராமநாதபுரம் ஆகிய மாவட்டங்கள் உள்ளடக்கிய தென் மண்டல ஹாக்கி தெரிவுப்போட்டியில் 17வயது பிரிவில் வாடிப்பட்டி அரசு பெண்கள் மேல் நிலைப்பள்ளி மாணவிகள் யோகா, முகேஸ்வரி ஆகியோர் தேர்வாகி மாநில அளவிலான ஆக்கி போட்டியில் கலந்து கொண்டு விளையாடஉள்ளனர்.
இந்த சாதனை மாணவிகளையும் உடற்கல்வி ஆசியர்கள் சந்திரமோகன், பாண்டியம்மாள், வனிதா ஆகியோரை வாடிப்பட்டி அரசு பெண்கள் மேல் நிலைப்பள்ளி தலைமை ஆசிரியர் திலகவதி, உதவி தலைமை ஆசிரியை. பிரேமா மற்றும் ஆசிரியர்கள் பாராட்டி வாழ்த்து தெரிவித்தனர்.
