திருவண்ணாமலை அரசு மருத்துவக் கல்லூரி மருத்துவமனை முன் ஓய்வு பெற்ற செவிலியரைக் கண்டித்து, தூய்மைப் பணியாளா்கள் ஆா்ப்பாட்டத்தில் ஈடுபட்டனா்.
திருவண்ணாமலை அரசு மருத்துவக்கல்லூரி மருத்துவமனையில் தனியார் நிறுவனத்தின் மூலம் 300-க்கும் மேற்பட்ட தூய்மை பணியாளர்கள் பணி செய்து வருகின்றனர். மேலும் இவர்கள் பணியை தவிர்த்து மருத்துவர்களின் அறிவுறுத்தலின்படி ஆப்ரேஷன் தியேட்டரில் உள்ள கழிவுகளை அகற்றும் பணியிலும் ஈடுபட்டு வருகின்றனர்.
இந்நிலையில் அந்த கழிவுகளை அகற்ற முதல்வர் அலுவலகத்தில் மஞ்சள், சிவப்பு, பச்சை உள்ளிட்ட பயோமெட்ரிக் கவர் வழங்குவது வழக்கம். அந்த கவர்களை வாங்க தூய்மை பணியாளர்கள் சென்றுள்ளனர்.
அப்போது ஆர்எம்ஓ இல்லாததால் 25-க்கும் மேற்பட்டசெவிலியர்கள் அலுவலகம் முன்பு காத்துக்கிடந்து உள்ளனர். அப்போது அங்கு வந்த ஓய்வு பெற்ற செவிலியர் சாந்தி அருணாச்சலம் என்பவர் அங்கு காத்திருந்த 25க்கும் மேற்பட்ட தூய்மை பணியாளர்களை தகாத வார்த்தைகளில் பேசி திட்டியதாக கூறப்படுகிறது.
இதனால் ஆத்திரமடைந்த தூய்மை பணியாளர்கள் 300-க்கும் மேற்பட்டவர்கள் ஓய்வு பெற்ற செவிலியர் மீது உடனடியாக துறை சார்ந்த நடவடிக்கை எடுக்க வேண்டும் என மருத்துவமனை வாயிலில் அமர்ந்து போராட்டத்தில் ஈடுபட்டனர்.
இதனால் மருத்துவமனையில் தூய்மை பணிகள் முடங்கி நோயாளிகள் பாதிக்கப்பட்டு, இங்கு பரபரப்பு காணப்பட்டது. மேலும், இதுகுறித்து தூய்மைப் பணியாளா்கள் கூறுகையில்,
ஓய்வு பெற்ற செவிலியா் எங்களை தகாத வாா்த்தைகளால் பேசினாா். இதனால் எங்களுக்கு மன உளைச்சல் ஏற்பட்டுள்ளது.
அவா் மீது நடவடிக்கை வேண்டும் எனவும், தூய்மைப் பணியாளா்களான எங்களுக்கு மருத்துவமனையில் உரிய பாதுகாப்பும் இல்லை. எங்களை ஒரு மனிதனாக கூட மதிக்கவில்லை, சுயமரியாதை இல்லை, எங்களுக்கு போதிய ஊதிய உயா்வு வழங்கவேண்டும்’ என்றனா்.
தகவல் அறிந்து வந்த கிழக்கு காவல் நிலைய போலீஸாா் பேச்சுவாா்த்தை நடத்தி அவா்களை சமாதானப்படுத்தினா். ஒரு மணி நேரத்திற்கு பிறகு போராட்டத்தை கைவிட்டு தூய்மை பணியாளர்கள் கலைந்து சென்றனர்.
மருத்துவமனை வளாகத்தில் தூய்மை பணியாளர்கள் 300க்கும் மேற்பட்டோர் திடீர் போராட்டத்தில் ஈடுபட்ட நிகழ்வு பரபரப்பை ஏற்படுத்தியது
