புதுக்கோட்டை கோட்டத்துக்குள்பட்ட பகுதிகளுக்கான மின் நுகர்வோர் குறை தீர்க்கும் நாள் கூட்டம் (07.07.2022 ) வியாழக்கிழமை நடைபெறவுள்ளது.
இது தொடர்பாக புதுக்கோட்டை தமிழ்நாடு மின் உற்பத்தி மற்றும் பகிர்மான கழகம் ( இயக்குதலும் காத்தலும்) செயற்பொறியாளர் த.அசோக்குமார் வெளியிட்ட தகவல்:
தமிழ்நாடு மின்உற்பத்தி மற்றும் பகிர்மான கழகம், புதுக்கோட்டை மின் பகிர்மான வட்டம் மேற்பார்வை பொறியாளர் பு.சேகர் தலைமையில் புதுக்கோட்டை கோட்டத்துக்குள்பட்ட புதுக்கோட்டை, இலுப்பூர் மற்றும் கந்தர்வகோட்டை பகுதிகளுக்கான மின்நுகர்வோர் குறைதீர்க்கும் நாள் கூட்டம் ( 07.07.2022) வியாழக்கிழமை காலை 11.00 மணி முதல் 1.00 மணி வரை புதுக்கோட்டை செயற்பொறியாளர், (இயக்குதலும்- காத்தலும்) வளாகத்தில் உள்ள கூட்ட அரங்கில் நடைபெறுகிறது.
எனவே, புதுக்கோட்டை கோட்டத்திற்குட்பட்ட மின்நுகர்வோர் கள் மற்றும் பொதுமக்கள் மேற்படி கூட்டத்தில் மேற்பார்வை பொறியாளரை நேரில் சந்தித்து தங்களின் மின்வாரிய சம்பந்தமான குறைகளை தெரிவித்து நிவர்த்தி செய்து கொள்ளலாம் என அவர் தெரிவித்துள்ளார்.
