புதுக்கோட்டை திருக்கோகர்ணம் ஸ்ரீ வெங்கடேஸ்வரா மெட்ரிக்.மேல்நிலைப்பள்ளியில் “புத்தகமில்லாத் திருவிழர்” கொண்டாடப் பட்டது.
விழாவுக்கு, பள்ளியின் முதல்வர் கவிஞர் தங்கம் மூர்த்தி தலைமை வகித்தார். பள்ளியின் இயக்குனர் ரா.சுதர்சன், துணைமுதல்வர் சு.குமாரவேல் ஆகியோர் முன்னிலை வகித்தனர்.
இதைமுன்னிட்டு, மாணவர்கள் புத்தகப் பைகள் இல்லாமல் கைவீசிக்கொண்டு வண்ண உடையணிந்து; பள்ளிக்கு வருகை புரிந்தனர். தொலைக்காட்சிப் புகழ் ஜெ.அதியன், பி.கவினேஷ் உரைகளைத் தொடர்ந்து சூப்பர் சிங்கர் சு.விஷ்ணு பாடல், ஆங்கில நாடகங்கள், அ.அ.அதியனின் சிறார் கதை, உடலை உறுதிசெய்யும் யோகா, தற்காப்புக் கலைகளான சிலம்பம், ஆகியவற்றை மாணவர்கள் சிறப்பாகச் செய்தனர்.
வண்ண உடையணிந்து மாணவிகள் ஆடிய பரதம் மற்றும் கலக்கல் நடனங்கள் என தொடர்ந்த கொண்டாடங்களின் சிறப்பு நிகழ்வாக அமைந்தது.
எட்டாம் வகுப்பு மாணவி ச. கன்யா வயலின் இசை வாசித்தார். வயலின் வாசித்த கன்யாவை பள்ளியின் முதல்வர் மற்றும் இயக்குநர் மாலையணிவித்து பாராட்டுகளைத் தெரிவித்தனர்.
புத்தகமில்லத் திருவிழா பற்றி நோக்கவுரை நிகழ்த்திய பள்ளியின் முதல்வர் கவிஞர் தங்கம் மூர்த்தி பேசும்போது “கல்வியை மகிழ்வுடன் கற்றல் என்கின்ற அடிப்படையில் மாணவர்களை மகிழ்ச்சியான மனநிலையோடு வகுப்பறையில் இருக்கச்செய்திடவே மாதத்தில் ஒரு நாள் புதன்கிழமை புத்தகங்களோ வீட்டுப் பாடமோ இல்லாமல் மாணவர்கள் பள்ளிக்கு வரச்செய்கிறோம். அன்று ஒருநாள் முழுதும் ஆட்டம்பாட்டம் கொண்டாட்டமென மகிழ்வாக வலம் வருவார்கள். இதனால் மாணவர்கள் மன உளைச்சலின்றி, கவலையின்றி மகிழ்வுடன் கற்கின்றனர் என்று குறிப்பிட்டார்.
விழாவை, ஒருங்கிணைப்பாளர் கௌரி, மேலாளர் ராஜா, ஆசிரியர்கள் உதயகுமார், நிவாஸ், கலைச்செல்வி, மலர்விழி, சுபஷ்டி, ஷோபனா, ஹேமஹர்சிதா, ஜெயஸ்ரீ ஆகியோர் ஒருங்கிணைத்தனர்.
முன்னதாக மாணவி ச.தாரிகா வரவேற்றார். நிறைவாக மாணவி செ. ஹரிப்ரியா நன்றி கூறினார். நிகழ்வை மாணவிகள் த. மதுஸ்ரீ, ப.சர்விகா தொகுத்து வழங்கினர்.
