தோளூர்ப்பட்டி கொங்குநாடு இன்ஜினியரிங் கல்லூரியில் மாநில அளவிலான 66வது குடியரசு தினவிழா விளையாட்டுப்போட்டிகள் நடைபெற்றது.
நாமக்கல் – திருச்சி மாவட்ட எல்லையில் உள்ள, கொங்குநாடு இன்ஜினியரிங் கல்லூரியில், தமிழக அரசு பள்ளி கல்வித்துறை சார்பில் 17வயதுக்குட்பட்ட மாணவிகளுக்கான, மாநில அளவிலான 66 ஆவது குடியரசு தின விளையாட்டு போட்டிகள் நடைபெற்றது.
இதில் கபடி, வாலிபால், கோ-கோ, ஹாக்கி, பாஸ்கட் பால், துரோ பால், ஹேண்ட் பால், பால் பேட்மிண்டன், புட் பால், பேட்மிண்டன், டேபிள் டென்னிஸ் மற்றும் டென்னிஸ் போட்டிகள் நடைபெற்றது. 3 நாட்கள் நடைபெற்ற போட்டியில் 37 மாவட்டங்களை சேர்ந்த மாணவிகள் கலந்துகொண்டு விளையாடினர்.
பாஸ்கட் பால் இறுதி போட்டியில் சென்னை சிவசாமி ஐயர் பெண்கள் மேல்நிலைப்பள்ளி அணி முதல் இடத்தையும், கோவை எஸ் வி ஜி வி மெட்ரிக்குலேஷன் ஹையர் செகண்டரி ஸ்கூல் அணி இரண்டாம் இடத்தையும் மற்றும் திருவண்ணாமலை ஸ்ரீ வி டி எஸ் ஜெயின் ஹையர் செகண்டரி ஸ்கூல் அணி மூன்றாவது இடத்தையும் பிடித்து வெற்றி பெற்றது.
டேபிள் டென்னிஸ் போட்டியில் பெண்கள் ஒற்றையர் பிரிவில் சென்னை அழகப்பா மெட்ரிக் ஹையர் செகண்டரி ஸ்கூல் மாணவி முதல் இடத்தையும், மதுரை ஒத்தக்கடை அரசு பெண்கள் மேல்நிலை பள்ளி மாணவி இரண்டாம் இடத்தையும் மற்றும் திருச்சி குட் செப்பர்டு ஹையர் செகண்டரி ஸ்கூல் மாணவி மூன்றாமிடத்தையும் பிடித்து வெற்றி பெற்றனர்.
தொடர்ந்து நடைபெற்ற பரிசளிப்பு விழாவில் கொங்குநாடு கல்வி நிறுவனங்களின் தலைவர் டாக்டர் பெரியசாமி, கலந்துகொண்டு பல்வேறு போட்டிகளில் வெற்றிபெற்ற மாணவிகளுக்கு கேடயம், கோப்பை மற்றும் சான்றிதழ்களை வழங்கினார்.
நிகழ்ச்சியில் பள்ளிக்கல்வி உடல்கல்வித்துறை மாநில இயக்குனர் மற்றும் சிஇஓ உள்ளிட்டோர் கலந்துகொண்டனர்.
