திருச்சியில் 57 வது தேசிய நூலக வார விழா போட்டிகளில் பங்கேற்ற குழந்தைகளுக்கு பரிசு வழங்கப்பட்டது.
திருச்சிராப்பள்ளி மாநகராட்சி வார்டு எண் 23 பகுதிக்குட்பட்ட உறையூர் ஊர்ப்புற நூலகத்தில் 57வது தேசிய நூலக வார விழா நவம்பர் 14 தொடங்கி நவம்பர் 20 வரை நடைபெற்றது. இதனையொட்டி பள்ளி மாணவர்களுக்கான ஓவியப்போட்டி மற்றும் திருக்குறள் ஒப்புவித்தல் போட்டிகள் நடைபெற்றது.
இன்று நவம்பர் 20 உறையூர் ஊர்ப்புற நூலகத்தில் நடைபெற்ற பரிசளிப்பு விழாவிற்கு மாமன்ற உறுப்பினரும் ,வாசகர் வட்ட தலைவருமான க.சுரேஷ்குமார் தலைமை தாங்கினார். ஊர்ப்புறநூலகர் புகழேந்தி வரவேற்புரை நிகழ்த்தினார்.புத்தூர் ராமகிருஷ்ணா நடுநிலைப்பள்ளி மற்றும் உறையூர் மாநகராட்சி நடுநிலைப்பள்ளி கிழக்கில் ஓவியப்போட்டி மற்றும் திருக்குறள் ஒப்புவித்தல் போட்டிகளில் பங்கேற்ற மாணவ மாணவியர்களுக்கு சென்னை இந்திய தொழில்நுட்ப கழக (iiT) ஆராய்ச்சியாளர் -முனைவர்ஆர். மணி மோகன் பரிசுகள் வழங்கி உரையாற்றினார்.இறுதியாக நகராட்சி நடுநிலைப்பள்ளி தலைமை ஆசிரியை பொறுப்பு செசிலி நன்றி கூறினார் .
