தமிழ்நாடு முதலமைச்சர் ஸ்டாலின், திருவண்ணாமலை மாவட்டத்திற்கு வருகின்ற செப்டம்பர் மாதம் வருகை தரவுள்ளதை முன்னிட்டு திருவண்ணாமலையில் கட்டப்பட்டு வரும் புதிய பேருந்து நிலைய பணியினை அமைச்சர் எ.வ.வேலு மற்றும் மாவட்ட ஆட்சியர் ஆய்வு மேற்கொண்டனர்.
திருவண்ணாமலை மாநகராட்சியில் திண்டிவனம் சாலையில் 10.04 ஏக்கா் பரப்பளவில் புதிய பேருந்து நிலையம் கட்டும் பணியானது உள்கட்டமைப்பு மற்றும் அடிப்படை வசதிகள் திட்டம் 2021- 22ன்கீழ், ரூ.30.15 கோடி மதிப்பீட்டில் நடைபெறுகிறது.
74 பேருந்துகள் நிறுத்தும் இடங்கள், 78 கடைகள், 2 உணவகங்கள், 48 கழிப்பறைகள் மற்றும் 26 குளியலறைகள் உள்ளிட்ட நவீன வசதிகளுடன் இந்தப் பேருந்து நிலையம் கட்டப்பட்டு வருகிறது. மேலும் இந்த பஸ் நிலையம் ரூ.14 கோடியே 75 லட்சம் மதிப்பீட்டில் விரிவுபடுத்தும் பணிகளும் தற்போது நடைபெற்று வருகிறது.
இந்தப் பணிகளை அமைச்சா் எ.வ.வேலு ஆய்வு மேற்கொண்டு, பொதுமக்களுக்கு தேவையான குடிநீா் மற்றும் இருக்கை வசதிகளை மேற்கொள்ளவும், பணிகளை விரைவாகவும், தரமாகவும் முடிக்கவும் துறை சாா்ந்த அலுவலா்களிடம் அறிவுறுத்தினாா்.
தொடா்ந்து, கலைஞா் நகா்ப்புற மேம்பாட்டுத் திட்டம் 2022 – 23ன்கீழ், திருவண்ணாமலை நகரின் மையப் பகுதியில் பொதுமக்கள் எளிதாக அணுகக்கூடிய வகையில் நகராட்சிக்கு சொந்தமான காந்தி நகரில் 2.67 ஏக்கா் பரப்பளவில் ரூ.29.25 கோடி மதிப்பீட்டில் தரை தளத்தில் 128 காய்கறி மற்றும் பழக்கடைகளும், முதல்தளத்தில் 121 பூக்கடைகள் என மொத்தம் 249 கடைகளுடன் அமைக்கப்பட்டு வரும் காய்கறிசந்தை, பூச்சந்தை பணியின் முன்னேற்றம் குறித்து ஆய்வு மேற்கொண்டு, பணியை விரைந்து முடிக்க துறை சாா்ந்த அலுவலா்களுக்கு அறிவுறுத்தினாா்.
ஆய்வின்போது, சட்டப் பேரவை துணைத் தலைவா் கு.பிச்சாண்டி, மாவட்ட ஆட்சியா் தா்ப்பகராஜ், உதவி ஆட்சியா் (பயிற்சி) அம்ருதா எஸ்.குமாா், திருவண்ணாமலை வருவாய்க் கோட்டாட்சியா் ராஜ்குமாா், மாநகராட்சி மேயா் நிா்மலா வேல்மாறன், மாநில மருத்துவர் அணி துணைத் தலைவர் எ.வ.வே.கம்பன், துணை மேயா் ராஜாங்கம், மாநகராட்சி ஆணையா் செல்வபாலாஜி, வட்டாட்சியா் மற்றும் துறை சாா்ந்த அலுவலா்கள் உடனிருந்தனா்.
