நாமக்கல் மாவட்டத்தில், நாளை முதல் 6ம் தேதி வரை 4 நாட்கள் மிதமான மழை பெய்ய வாய்ப்பு உள்ளது என வானிலை ஆலோசனை மையம் தெரிவித்துள்ளது.
இது குறித்து நாமக்கல் கால்நடை மருத்துவக்கல்லூரி வானிலை ஆய்வு மையம் வெளியிட்டுள்ள, வானிலை முன் அறிவிப்பில் கூறியுள்ளதாவது:
நாமக்கல் மாவட்டத்தில், கடந்த 3 நாட்களாக சில இடங்களில் மிதமான மழை பெய்துள்ளது. இதனால் பகல் மற்றும் இரவு நேர வெப்பநிலை குறைந்துள்ளது.
நாளை 3ம் தேதி முதல் வரும் 7ம் தேதி தேதி வரை 5 நாட்கள், அதிகபட்ச பகல்நேர வெப்ப நிலை 33 முதல் 34 டிகிரி சென்டிகிரேட் வரை இருக்கும். குறைந்தபட்ச இரவு நேர வெப்பநிலை 25 டிகிரி சென்டிகிரேடாக இருக்கும்.
வானம் மேகமூட்டத்துடன் காணப்படும். காற்றின் ஈரப்பதம் 45 முதல் 85 சதவீதம் வரை இருக்கும். காற்று மேற்கு, தென் மேற்கு திசையில் இருந்து மணிக்கு 12 முதல் 14 கி.மீ வேகத்தில் வீசக்கூடும்.
நாளை செப். 3ம் தேதி 4 மி.மீ., 4ம் தேதி 4 மி.மீ., 5ம் தேதி 4 மி.மீ., 6ம் தேதி 4 மி.மீ. அளவில் மழை பெய்ய வாய்ப்பு உள்ளது. 7ம் தேதி மழை பெய்ய வாய்ப்பு இல்லை என்று தெரிவிக்கப்பட்டுள்ளது.
