108 ஆம்புலன்சில் டிரைவர்கள் மற்றும் மருத்துவ உதவியாளர் பணியிடங்களுக்கு, வரும் 6ம் தேதி நாமக்கல்லில் வேலை வாய்ப்பு முகாம் நடைபெறுகிறது.
தமிழகத்தில் உள்ள 108, 102, 155377 ஆம்புலன்ஸ் வாகனங்களில் டிரைவர்கள் மற்றும் மருத்துவ உதவியாளர் பணிகளுக்கான வேலை வாய்ப்பு முகாம் வரும் 6 ஆம் தேதி சனிக்கிழமை, காலை 9 மணி முதல் 3 மணி வரை நாமக்கல் மோகனூர் ரோட்டில், பழைய அரசு மருத்துவமனை வளாகத்தில் அமைந்துள்ள 108 ஆம்புலன்ஸ் அலுவலகத்தில் நடைபெற உள்ளது.
டிரைவருக்கான அடிப்படை தகுதிகள்:
- 10ஆம் வகுப்பு தேர்ச்சி பெற்று இருக்க வேண்டும்.
- நேர்முகத் தேர்வு அன்று 24 வயதுக்கு மேலும் 35 வயதுக்கு மிகாமலும் இருக்க வேண்டும். ஆண் பெண் இரு பலரும் கலந்து கொள்ளலாம்.
- உயரம் 162.5 சென்டி மீட்டருக்கு குறையாமல் இருக்க வேண்டும்.
- இலகு ரக ஓட்டுநர் உரிமம் எடுத்து குறைந்தபட்சம் 3 ஆண்டுகள் மற்றும் பேட்ஜ் பெற்று குறைந்தபட்சம் ஓராண்டும் நிறைவு பெற்றிருக்க வேண்டும்.
- தகுதி உடைய விண்ணப்பதாரர்கள் தங்களுடைய கல்வி, ஓட்டுநர் உரிமம் மற்றும் அனுபவம் தொடர்பான அனைத்து அசல் சான்றிதழ்களையும் சரி பார்ப்பதற்காக கொண்டு வர வேண்டும்.
மாத சம்பளம் ரூ. 21,120 மொத்த சம்பளமாக வழங்கப்படும்.
தேர்வு முறை: எழுத்துத் தேர்வு, தொழில்நுட்பத் தேர்வு, மனிதவளத்துறை நேர்காணல், கண்பார்வை, மருத்துவம் சம்பந்தப்பட்ட தேர்வு, சாலை விதிகளுக்கான தேர்வுகள் நடைபெறும்.
தேர்வு செய்யப்பட்ட விண்ணப்பதாரர்களுக்கு 10 நாட்கள் முழுமையான வகுப்பறை பயிற்சி அளிக்கப்பட்டு பணியில் வழங்கப்படும்.
மருத்துவ உதவியாளர்களுக்கான அடிப்படைத் தகுதிகள்:
- பிஎஸ்சி நர்சிங். அல்லது ஜி என் எம், ஏ என் எம், டி எம் எல் டி (12 ஆம் வகுப்பிற்கு பிறகு 2 ஆண்டுகள் படித்திருக்க வேண்டும்)
- அல்லது லைஃப் சயின்ஸ், பிஎஸ்சி ஜூவாலஜி, பாட்டனி, பயோ கெமிஸ்ட்ரி, மைக்ரோபயாலஜி, பயோடெக்னாலஜி, இவைகளில் ஏதேனும் ஒன்று முடித்திருக்க வேண்டும்.
- வயதுவரம்பு தேர்வு அன்று 19-க்கு குறையாமலும் 30க்கு மிகாமலும் இருக்க வேண்டும்.
மாத சம்பளம் 21,320 மொத்தமாக வழங்கப்படும்.
தேர்வு முறை
எழுத்துத் தேர்வு, மருத்துவ நேர்முகம், உடற்கூறியில், முதலுதவி, அடிப்படை நர்சிங் பணி தொடர்பான, மற்றும் மனிதவளத்துறை நேர்முகத் தேர்வுகள் நடைபெறும்.
முகாமில் தேர்வு தேர்வு செய்யப்படுபவர்கள் 50 நாட்கள் முழுமையான வகுப்பறை பயிற்சி அளிக்கப்பட்டு பணியில் அமர்த்தப்படுவார்கள்.
மேலும் விவரங்கள் அறிய 8925940969 தொ¬பேசி எண்ணை தொடர்பு கொள்ளலாம் என தெரிவிக்கப்பட்டுள்ளது.
