நாமக்கல் மாவட்டத்தில், நாளை முதல் 4 நாட்கள் மிதமான மழை பெய்ய வாய்ப்பு உள்ளதாக, வானிலை ஆலோசனை மையம் தெரிவித்துள்ளது.
இது குறித்து நாமக்கல் கால்நடை மருத்துவக்கல்லூரி வானிலை ஆய்வு மையம் வெளியிட்டுள்ள, வானிலை முன் அறிவிப்பில் கூறியுள்ளதாவது:
நாமக்கல் மாவட்டத்தில், பல இடங்களில் கடந்த வாரம் லேசானது முதல் மிதமான மழை பெய்துள்ளது. பகல் நேர வெப்பநிலை அதிகரித்து காணப்பட்டது. நாளை 10ம் தேதி முதல் 14ம் தேதி வரை அதிகபட்ச பகல்நேர வெப்பநிலை 32 டிகிரி முதல் 36 செண்டிகிரேட் வரை இருக்கும்.
குறைந்தபட்ச இரவு நேர வெப்பநிலை 22 டிகிரி முதல் 25 டிகிரி செண்டிகிரேட் வரை இருக்கும். வானம் மேகமூட்டத்துடன் காணப்படும். காற்றின் ஈரப்பதம் 50 முதல் 90 சதவீதம் வரை இருக்கும்.
காற்றின் வேகம் மேற்கு மற்றும் தென்மேற்கு திசையில் இருந்து, மணிக்கு 8 முதல் 12 கி.மீ வேகத்தில் வீசக்கூடும். நாளை செப். 10ம் தேதி 14 மி.மீ., 11ம் தேதி 12 மி.மீ., 12ம் தேதி 11 மி.மீ, 13ம் தேதி 3 மி.மீ. வரை மழை பெய்ய வாய்ப்பு உள்ளது.
14ம் தேதி மழை பெய்ய வாய்ப்பு இல்லை, மாவட்டத்தில் கொல்லிமலை பகுதியில் அதிக மழை பெய்ய வாய்ப்புள்ளது. இவ்வாறு வானிலை அறிக்கையில் கூறப்பட்டுள்ளது.
