நாமக்கல் மாநகர அதிமுக அலுவலகம் திறப்பு விழா சிறப்பாக நடைபெற்றது. நாமக்கல் மெயின் ரோட்டில் நேதாஜி சிலை அருகில் மாநகர அதிமுக அலுவலகம் செயல்பட்டு வந்தது.
தற்போது அந்த அலுவலகம் புதுப்பிக்கப்பட்டுள்ளது. புதுப்பிக்கப்பட்ட அலுவலகம் திறப்பு விழா, மாநகர அதிமுக செயலாளரும், முன்னாள் எம்எல்ஏவுமான பாஸ்கர் தலைமையில் நடைபெற்றது.
சேந்தமங்கலம் முன்னாள் எம்எல்ஏ சந்திரசேகரன் முன்னிலை வகித்தார். நாமக்கல் மாவட்ட அதிமுக பொருளாளர் டிஎல்எஸ் காளியப்பன் புதிய அலுவலகத்தை ரிப்பன் வெட்டி திறந்து வைத்தார்.
முன்னாள் நகராட்சித் தலைவர் கரிகாலன், முன்னாள் மாவட்ட ஊராட்சி கவுன்சிலர் மயில்சுந்தரம், முன்னாள் நகர வங்கி தலைவர் கண்ணன், ஒன்றிய செயலாளர் செல்வகுமார், நகர அவைத்தலைவர் விஜய்பாபு, கமால்பாஷா, மகளிர் அணி சரஸ்வதி உள்ளிட்ட திரளானவர்கள் நிகழ்ச்சியில் கலந்துகொண்டனர்.
