பஞ்சபூத ஸ்தலங்களில் அக்னி ஸ்தலமாக விளங்கும் திருவண்ணாமலை அண்ணாமலையார் கோயிலில் முக்கிய விழாக்களில் கார்த்திகை தீபத் திருவிழா மிகவும் சிறப்பு வாய்ந்தது.
இந்த வருடத்திற்கான கார்த்திகை தீபத் திருவிழா நவம்பர் மாதம் 24ம் தேதி துவங்க உள்ளது. இவ்விழாவை காண உள்ளூர் மக்கள் மட்டுமின்றி வெளி மாவட்டங்கள், வெளி மாநிலங்களில் இருந்து லட்சக்கணக்கான பக்தர்கள் வருகை தருவார்கள்.
இந்த ஆண்டிற்கான கார்த்திகை தீபத் திருவிழா வருகிற 21-ம் தேதி துர்க்கை அம்மன் உற்சவத்துடன் தொடங்குகிறது. தொடர்ந்து 24-ம் தேதி அதிகாலையில் சாமி சன்னதி முன்பு உள்ள தங்க கொடிமரத்தில் கொடியேற்றம் நிகழ்ச்சி நடக்கிறது.
விழாவின் சிகர நிகழ்ச்சியாக டிசம்பர் மாதம் 3-ம் தேதி காலையில் பரணி தீபமும், மாலையில் கோவில் பின்புறம் உள்ள மலை உச்சியில் மகா தீபமும் ஏற்றப்பட உள்ளது.
தீபத் திருவிழா முழு விவரம்
24-11-2025 – திங்கட்கிழமை – முதல் நாள் திருவிழா – காலை கொடியேற்றம் – மாலையில் பஞ்ச மூர்த்திகள் வெள்ளி விமானங்கள் – இரவு உற்சவம் பஞ்சமூர்த்திகள் மற்றும் வெள்ளி அதிகார நந்தி, சிம்ம வாகனம், மயில் மூஷிகம் ஆகிய வாகனங்களில் சிறப்பு உற்சவம்.
25-11-2025 – இரண்டாம் நாள் உற்சவம்- காலை உற்சவம் – விநாயகர், சந்திரசேகர் – தங்க சூரிய பிரபை உற்சவம்.
இரவு உற்சவம் -பஞ்ச மூர்த்திகள் – வெள்ளி இந்திர விமானம்
26-11-2025 – மூன்றாம் நாள் திருவிழா – காலை உற்சவம் – விநாயகர், சந்திரசேகர் – பூத வாகனம். இரவு உற்சவம் – பஞ்ச மூர்த்திகள் சிம்மவாகனம் – வெள்ளி அன்ன வாகனம் உற்சவம் நடைபெறுகிறது.
27-11-2025 – நான்காம் நாள் திருவிழா- காலை உற்சவம் – விநாயகர் , சந்திரசேகர் – நாகவகம். இரவு உற்சவம் – பஞ்சமூர்த்திகள் – வெள்ளி காமதேனு, கற்பக விருட்ச வாகனம் மற்றும் இதர வெள்ளி வாகனங்கள் உற்சவம் விமர்சையாக நடைபெற உள்ளது.
28-11-2025 – ஐந்தாம் நாள் திருவிழா – காலை உற்சவம் – விநாயகர் , சந்திரசேகர் – கண்ணாடி ரிஷப வாகனம். இரவு உற்சவம் – பஞ்சமூர்த்திகள் வெள்ளிப் பெரிய ரிஷப வாகனம் உற்சவம் விமர்சையாக நடைபெற உள்ளது.
29-11-2025 – ஆறாம் நாள் திருவிழா- காலை உற்சவம் – விநாயகர் , சந்திரசேகர் – வெள்ளி யானை வாகனம் – 63 நாயன்மார்கள் வீதியுலா. இரவு உற்சவம் – பஞ்சமூர்த்திகள் – வெள்ளி ரதம், வெள்ளி விமானங்கள்.
30-11-2025 – ஏழாம் நாள் திருவிழா- காலை உற்சவம் – காலை 6 மணிக்கு மேல் 7:30 மணிக்குள் விருச்சக லக்னத்தில் விநாயகர் தேர் வடம் பிடித்தல். பஞ்ச மூர்த்திகள் – மகாரதங்கள் – தேரோட்டம்.
மாலையில் பஞ்ச மூர்த்திகள் – ஆஸ்தான மண்டபம் வந்து சேருதல் உற்சவம்.
01-12-2025 – எட்டாம் நாள் திருவிழா – காலை உற்சவம் – விநாயகர், சந்திரசேகர் – குதிரை வாகனம். மாலை உற்சவம் – 4:30 மணிக்கு பிச்சாண்டவர் உற்சவம் : இரவு உற்சவம் – பஞ்ச மூர்த்திகள் – குதிரை வாகனம்
2-12-2025 – ஒன்பதாம் நாள் திருவிழா- காலை உற்சவம் – விநாயகர் , சந்திரசேகர் – புருஷா முனி வாகனம் இரவு உற்சவம் – பஞ்ச மூர்த்திகள் – கைலாச வாகனம் காமதேனு வாகனம்.
03-12-2025 – பத்தாம் நாள் திருவிழா – அதிகாலை 4 மணிக்கு பரணி தீப தரிசனம். மாலை 6:00 மணிக்கு மகா தீப தரிசனம்.
04-12-2025 – தெப்பல் திருவிழா – இரவு 9 மணிக்கு சந்திரசேகர் தெப்பல் உற்சவம் நடைபெறுகிறது.
05-12-2025– அதிகாலை அருள்மிகு உண்ணாமுலை உடனுறை அண்ணாமலையார் கிரிவலம்
தெப்பல் திருவிழா – இரவு 9 மணிக்கு பராசக்தி அம்மன் உற்சவம் நடைபெறுகிறது.
06-12-2025 – தெப்பல் திருவிழா – இரவு 9 மணிக்கு சுப்பிரமணியர் தெப்பல் உற்சவம் நடைபெறுகிறது.
07.12.25 – இரவு 9 மணிக்கு சண்டிகேஸ்வரர் வெள்ளி ரிஷப வாகன விடையாத்தி உற்சவம்
அண்ணாமலையார் கோயில் கலை அரங்கத்தில் மாலை கலை நிகழ்ச்சிகள் மற்றும் சமய சொற்பொழிவுகள் நடைபெறும்.
